Sagaing ramṭhen Kalay peng le Inntaw peng ah rallam a sialmi SAC ralkap le palik motor cu bomb puah an ton caah SAC ralkap 20 an thi tam ngai hliamhma an pu PDF nih cathanh an chuah. Nihin June 21 zing sml 6:55 ah Sagaing ramṭhen Kalay peng Ṭhuma in Kalay lei a kal mi SAC ralkap 130 leng cu Kalay-Gangaw lam nichuahlei ah KALAY UGF nih bomb lung 8 in an puahhnawh hna tiah theih asi.

Cu pinah June 21 zing sml 8:00 hrawng ah KALAY UGF nih kan bawh hna i, bomb an hmanhnak an phak ah kan puahhnawh hna i, SAC ral kap 20 nak tlawm lo an thi tam ngai hliamhma an pu. Aa hliammi cu mizaw phorhnak motor nih arak lak hna tiah (L.D.F KALAY ) nih cun cathanh an chuah.

June 20 zanlei sml 3:00 hrawng ah Sagaing ramṭhen, Inntaw peng Meza sakhan hmu, Maung Maung Hla Tint telh in palik 2 aa citmi motor cu Inntaw le Meza kar lakah bomb puah an tong i, sakhan hmu cu a hmai a sop dih. A dang palik zong an hliamhma fak ngai. Meza sakhan ah an thlopbul hna, tiah Inntaw IR Team nih cathanh an chuah.