Good News: Tuzing I Kahdohnak Update PDF Ralkap Nih Ralhrang 20 Leng Thah An Si. Kyaukthu peng PDF cu September 9 zing lei tuan deuh ah an i kah hnu in chun hrawng ah Kyaukthu PDF phu hna nih ralhrang hna cu an kah hna i a thi mi minung 15 -20 hrawng an si i a hliam mi an tam i an mawtaw pakhat zong bomb in puah a si tiah Kyaukthu PDF nih a thanh.

Mipi hna zong nih Kyaukthu PDF phu hna he a pehtlai mi thawngpang hna cu kaphih in ruah lo piin bomh kan herh nak a um tik zong ah nan kan bawmh khawh mi tete a si ahcun nan kan bawmhnak lai kan in nawl hna. Rallokap hna an cawlcangh ning cu a caan kel tein page cb  ah siseh thawng na kan pek nak lai kan in nawl hna. Zarh fatin, thla fatin in pekchanhnak lei zong ah a lamkip in nan kan bawmhnak dingin bawmh kan in hal ko hna tiah Kyaukthu thawngpangthanh chintu committee nih an thanh.

Thawngpang dang: Kayin ralkap KNU le ralhrang phu kar kahdohnak kong KNU nih ralhrang phu umnak sakhan an lak khawh tiah thawng theih tik ah online cung ah rianrang in tarlangh lo ding theihter nak cathanh cu KNU nih nihin ah a chuah.

 

“Hmunkhat ah tan pi ding in nawlnak” tiah tlangtar in theihternak cathanh an chuah mi ah kahdohnak le cawlcanghnak thawng cu online cung ah rianrang in thlah a si ah cun, kan ral hna sin ah thawngthanh cia le theihter cia bantuk a si caah ral kan doh cawlcanghnak ah KNU nih a tuah ding mi timhtuahnak vialte hnahnawhnak a pek khawh tiah an langhter.

“Tuahkel ahcun KNU le ralhrang phu kar kahdohnak a chuah hnu ah ralhrang phu hna nih vanlawng he bomb thlak hnawh in kah nak le anmah ralhrang phu bawmtu minung an thlah tawn. Cu ruang ah KNU nih chungtel ralkap vialte kahdohnak a dih hnu a humhimnak hmun an phanh than tik lawng ah online cung thawngzamh ding in kan in nawl hna” tiah an langhter. The Irrawaddy