Good News: Chin Pasaltha Phukomh Hna nih Taingen Ralhrang Sakhaan an Laak Cang.

Chin News

Chin Pasaltha Phukomh Hna nih Taingen SAC Ralkap Sakhaan an Lak. Kalay-Hakha motor lampi cung  ah a um mi Taingen SAC ralkap sakhaan cu nihin January 16 zinglei ah CNA hruaimi ṭangrual Chin miphun ralkap hna nih tlamtling tein an lak cang tiah thawng theih a si.

“Nihin zinglei ah khan Pathian thawng in sakhaan kan lak cang. SAC ralkap tu nih cun Kalay lei in miakpi an kah pah rih” tiah pasaltha pakhat nih a chim. Taingen SAC ralkap sakhaan dohnak ah aa tel mi CDF CDM-Siyin zong nih, “Taingen SAC ralkap sakhaan a kan lakter khotu kan Pathian a lianngan ko seh,” tiah a Facebook Page ah Pathian thangṭhatnak an langhter.

Taingen SAC ralkap khaan cu January 12 thawk khan CNA, CDF CDM-Siyin, CDF-KKG, CDF -Thantlang, CDF-Hakha, PDA le CDF-Hualngoram,CDF Zanngiatram le TCDF  hna nih an doh i, a ni nganak nihin zinglei ah tlamtling tein an lak khawh hi a si.

Taingen SAC ralkap sakhaan lak ah SAC ralkap lei in a thi mi an tam bang in Chin miphun ralkap lei zong in a nunnak a liam mi le hliam a pu mi an um hna, tiah thawng kan theih.

Leave a Reply