CDF-Mindat nih khua khat le khua khat pehtlaihnak hlei an sak Chin ramkulh, Mindat peng khua 1 le khua 1 pehtlaihnak ah an hman tawn mi hlei hmete a rawkmi cu CDF-Mindat battalion 1 nih an remh tiah theih asi. Kanmah hmunhma a chuakmi harnak cu kan harnak a si ve. Dothlennak ah hriam a tlaimi lawng siloin lam, hlei hna a sami rianṭuantu zong kan si chih timi ruahnak he an i teltum mi a si tiah theih a si. Kanmah hriamtlai pawl hi fur chung cu kan i din lo ti khan a si. Cheukhat nih kahdohnak caah timhtuahnak an ngeih bantuk in cheukhat nih mipi caah rianṭuan a si. Mipi nih bochan mi si kan i zuam peng lai tiah CDF-Mibdat Battalion 1 nih a langhter.

Thawngdang SAC Nih Hrithlai In A Thah Mi 4 Hna Kong Ah UNA Nih Cathanh A Chuah! Japan Ram Ah Duhlonak An Langhter! CDF Min dat Thein Hngait battalion-1 Nih Khua Khat Le Khua Khat Pehtlaihnak Hlei An Ser. Chin ramkulh, Mindat pengchung um khua khat le khua khat pehtlaihnak lam a rawk mi hlei cu CDF-Mindat Thein Hngait battalion-1 nih an ser ṭhan, tiah theih a si. Kan umnak hmunhma nih har nak a tonmi cu kanmah harnak a si ve. Khuapau dohthlennak chung ah hin ralkap dirhmun lawng in si lo in, lam remh, hlei ser ti bantuk rian zong ah mah lungtho tein rianṭuannak an ngei.

Atu bantuk fur caan ah hin kan ralkap hna hi dinh caan an ngei tawn lo. Ralkap cheukhat cu kahdohnak tuah ding ah timhtuahnak an ngei i, ralkap cheukhat hna cu mizapi ca ah rian an ṭuan. Mizapi nih dawtmi le bochanmi dirhmun si khawh kan i zuam lai tiah CDF-Mindat Thein Hngait battalion-1 nih an langhter.

Thawngdang Nihin zing, Halkha in Hniarlawn khua kal uico rual nih Hniarlawn tlangval Mang Lian Sang kum 24 cu an kah/ thah. Mang Lian Sang hi an khua Baptist Biakinn hngak rian a ttuanmi asi anih hi ramlak ah a zaam cang nain ngakchia hna zaam kho lo a va laak nak hna ah uico nih an rak kah hi a si.

Thawngdang MyinMu Khualuh SAC Ralkap Checkgate Cu Drone In Kan Kah Hna, 4 An Thi Tiah Tualchung PDF Nih An Thanh. Sagaing ram țhen, Myinmu khualuh Monyua- Mandalay lampi cungah SAC ralkap mi checktu phu hna cu Drone in bomb kan thlakhnawh hna caah SAC ralkap 4 an thi tiah GTR MMU phu nih cathanh an chuah.

Nizan July 24 chun Sml 12:30 hrawngah Myinmu khuapi hrialnak lam le Monyua Mandalay lampi cungah a tlungkal mi mipi hna chek i phai sa a haltu SAC ralkap hna cu Drone in bomb lung 4 kan thlak hna tiah cathanh chungah an langhter. SAC ralkap 4 an thi i hliam a tuarmi hna zong an um. SAC ralkap hna cu an lautuk i an duhnak paoh na kah hrawk caah tualchung mi pakhat a phei ah meithal kuan nih a hliamh tiah GTR MMU nih an langhter.

Thawngpang dang Japan prime minister hlun Shinzo Abe ruak humhnak ah rak rat ve ding in SAC hruaitu Min Aung Hliang cu Japan ram nih an sawm i kal aa tiah tiah thawng a thang. September 27 ah tuah ding mi Japan prime minister hlun Shinzo Abe ruak humhnak ah Japan nih SAC hruaitu Min Aung Hliang an sawm caah a tlawng kho mi a si tiah Human Right Watch(HRW) i Asia ram tuanvo ngeitu Mr.Tapa Kasai nih Twitter in ah a tial.

Japan ram nih an sawm mi cu ram kip nih an hnon a tong mi SAC hruaitu caah Ministry of Planning and Finance ah hlawhtlinak a si tiin zumh ning le ruahning karhternak mizapi sin ah chimnak ding ah caan țha ah a can ter lai. Ruak humhnak ah cun ramdang in hmaizah awk a tlak mi minung paoh sawm an si lai tiah Japan Cabinet Secretary Hiroka Matsunoka nihnai te ah khan a chim.

Asinain Janoan cozah nih Russia president Vladimir Putin tu cu ruak hmunhnak ah rat ve a duh hmanh ah sawm a si lai lo tiah Japan news paper Shinkine ah an langhter mi ning in tial a si. SAC hruaitu cu ramkip nih hnon mi a si lio ah Japan nih tlawn ding in an sawm mi cu a voikhat nak lawng a si ti lo.

Rohingya pawl fak tuk in thah nak kong ah data a latu HNHCR nih record a chuah hnu ah ram kip nih an mawh chiat lio 2019 chung ah cun prime minister Shinzo Abe a tuan lio ah Japan Ministry of Defense nih SAC hruitu General Min Aung Hliang i an rak sawm bal cang Prime Minnister hlun Shinzo Abe cu tu thla thla hram thok ah Japan ram nitlaklei Naga khuapi ah election caah biachimnak a ngeih lio ah kah thah a tong. A kap tu cu an tlaih colh i tazacuai a si.