Good News: Cakei Bia Ralhrangbu Pawl Do Atim Mi Poh Cu Nan Herh Mi Poh Kan Bawmh Hna Lai KNU Thawngthanh. Ralhrang hna a do tu zei bantuk phu he poh i bawm in dothlennak ka tuah lai tiah KNU ca thanh. Hramhram in nawlngeihnak la tu rallokap a dotu zei bantuk phu he poh he hmunkhat ah tang tiin uknak tha lo cu kan doh lai tiah KNU nih a thanh. KNU cu Federal Democracy ser chuah khawh ding in a fek mi biakamnak cu pehzulh in ka tuah rih lai tiah September 3 ah cathanh a chuah.

 

KNU nih cun rallokap hna nih hrem le dawi a tong mi hna bawmh a herh mi hna poh cu a si khawh chung in kan bawmh hna tiah a chim.Cun kum saupi a cang mi ram chung ral i kahnak a thok nak hram cu fianter ding le a dik mi deih nak,rampi nih kan herh mi a dang fianhternak lam thar zong pehzulh in kan kawl ko lai tiah an langhter.

KNU cu cozah he ram chung i kahdohnak ngolh ding in lungtlinnak minthut (NCA ) ah min a thut mi phu an si nain rallokp hna cu KNU hmunchung ah rilonh in an rak luh caah kaphnih kahnak hna a chuak. Mah thawngpang theih hnu bak cun tha nuam ngai asi i kawlram ca zongah hna ngam deuh ngai asi cang. The chin post