Germany: Vawleicung Ram Dang Vialte Nih An Tuah Ngam Lomi Bak Tuah An Timh Ko Cang

Thawngpang

Tuchun vawlei cu coronavirus kong ah buai lulh cio a si. Hi zawtnak kong he pehtlai in President Trump lebang cu World Health Organization (WHO) pawl cung ah a thin a hung cang. Cu lio ah German Chancellor Angela Merkel nih thanhnak a tuahmi cu coronavirus ruang ah lockdown tuahmi cu duhsah in ngol ding ti a si. A chimning ah cun mipi he i hlat in tthutdir (social distancing) phung hi May thla ni 3 tiang cu hman a si ko lai. Mipi sin nan chuahlangh tik zong ah nan hmai nan i huh hrimhrim lai, tiah a chim.

Merkel announces plans to reopen schools and shops in Germany ...

A sinain hmaizarh lai cun dawr cheukhat pawl cun hun tthan an si cang lai. Cun sianginn pawl hna zong May 4 in hun tthan an si cang lai. A bik in exams a ngei lio mi hna caah hun a si lai. Caan karlak ah kan ram nih hin phung fel te in zulhnak thawng in kan hlawh a tling ngai ko. Cun hi bantuk in hmai lei zong ah kan kal peng rih hrimhrim a herh. Kan ram nih hin lungfim te in le timh ciammam te in tuaktaan caan tampi kan ngei lo tiah a chim chih.

Biaknak ruang ah i pumhkhawmh telh chih in mi bupi hmunkhat ah i pumhkhawmh cu August 31 tiang khaar a si lai. Bars, cafes, restaurants, cinemas le music venues pawl vialte hna co khaar an si rih lai tiah a chim. Germany’s Robert Koch Institute (RKI) chimning in ramchung ah hi zawtnak a ngeimi minung 127,584 an tling cang. Cun hi zawtnak a thihpi cangmi hi minung 3,254 an phan cang tiah a chim. Ref: BBC

Leave a Reply