Admin||05| Biangreithlep 11|2020|| Vuleipi thlankhur ah a cantertu Covid-19 ai thawhkehnak kong biafiang a hung lang ziahmah cang. Mi tampi nih hi Covid-19 zawtnak cu China ram, Wuhan khuapi sazuarnak in ai thawkmi a si ti hi an zumh bikmi a si cang. Cun, hi kong ah WHO le China hi pehtlaihnak an ngei ti a si cang.

Germany lei nih zong nih China an vun phomh ve cang. Germany thawngzamhnak Der Spiegel tadinca nih a langhter ve ning ah cun”China President Xi Jinping nih amah pumpak in WHO Health Organization (WHO) Director-General Tefros Aahanom cu Corona Virus zawtnak hi minung pakhat le pakhat i chawnh/ ipekchanhkhawh a si ti le Global Pandemic Warning tuan tein thanh ding cu thanh lo dingin tlaipi ah thanh dingin a nawl,”tiah a tarlangh.

 

Germany thawngzamhnak Der Spiegel tadinca nih tarlangh rihning ah cun” Tangkhawng 21 ah WHO Director Tedros le President Xi Jinping cu an ichawnh biaknak ngeiin Corona Virus zawtnak hi minung pakhat le pakhat i chawnh/ ipekchanhkhawh a si ti le Global Pandemic Warning thawngthanhnak cu tlaiter (delayed) dingin a ti,” tiah a tarlangh.German Federal Intelligence Service ten Bundesnachrichtendienst’ (BND) nih kherhhlainak a tuah tikah a chimmi a hmuhchuahmi mi cu ” Corona Virus zawtnak kong hi tuan tein kan theih ding a si ko. A sining kan theih hi cu zarh 4 in zarh 6 in kan tlai. Tuan tein kan theih dingmi Zarh 4-6 kan tlai tiah an chim. Cu khawh cang cun WHO nih a hun chim ve mi cu “Tangkhawng 21 ah WHO Director Tedros le China President Xi Jinping hi an i chawn lo hrimhrim,” tiah an chim ve ṭhan.

China nih Tangkhawng 20 ah Covid-19 zawtnak hi minung le minung ichawhnak khawh a si ti WHO sinah thanhnak a tuah i Tangkhawng 22 ah Covid-19 zawtnak hi minung le minung ichawhnak khawh ti vawleipi theih ah a phuan tiah WHO lei nih an chim ve. Asinain Germany tadinca nih cun vawleipi nih kan theih cu zarh 4-6 a tlai hnuah a si tiah a tarlangh ve. Kan hnuzarh ah US President Trump le Mike Pompeo nih Corona Virus nih China in ai thawkmi a ti ko hi tehte kan piah te lai a um ko tiah China cu an pahnih bakin an rak doh ṭi.

US nih China a puhnak kongah China lei nih tihihin lehnak an tuah ve. China Foreign Ministry spokeswoman Hua Chunying nih press briefing a ngeihnak ah Mike Pompeo cu a phomh chih. “Mr Pompeo nih hin voitampi cu evidence kong hi a chim len cang, asinain evidence zeihmanh chuahpi ding taktak a ngei bal loh. Covid-19 evidence hi cu scientists le medical professionals pawl buaipi ding in ka ruah. Politicians mah le ram chung i hlawkpinak hmuh duhtu pawl caah buaipi ve ding phun a si in ka theih loh.”

“US ah Coronavirus zawtnak in minung 78,615 lengkai an thi cang. US cozah nih Coronavirus outbreak an i zohkhenh khawh lo ruang ah China mawhphurhnak ding lawngte an kawl. US ram hruaitu pawl nih hin China rak kan buaipi lo hin an mah le ram te kha ṭha tein buaipi hna sehlaw mithi zong hi an tlawm deuh men lai,” tiah Hua Chunying nih a ti hna. Chirhchan: