Georgia Gov. Brian Kemp Thil Tuahmi Cung Ah President Trump A Lung A Tlinglo Trump Nih Fiang Ko In A Hun Chim Cang

World News

Vawlei ah a tlung cuahmahmi pulrai coronavirus dohnak kong he pehtlai in Georgia Gov. Brian Kemp biakhiahnak cu President Trump a lung a tling kho hrimhrim loh. President Trump nih a chimmi cu Gov. Kemp biakhiahnak hi ka lung a tling kho hrimhrim loh “disagreed strongly” tiah a chim. Cacawn nithumni zanlei i White House in biachimnak a ngeih lio ah Kemp cu na timhtuahmi hi ka lung a tling hrimhrim lo tiah ka chimh. A sinain ka chimning bantuk cun a tuah lem lai lo tiah a chim.

Trump reverses course, says 'too soon' for Georgia Gov. Kemp to ...

Georgia mipi hi a lung a fek bakmi le a ṭhawng bakmi an si a sinain a dik na timi cu na tuah awk a si tiah Trump nih Kemp sin ah a chim. A ṭha le a dik a timi tuah seh ti ka duh. A sinain a tuahmi cung tu ah cun ka lung a tling lo. Spas, beauty salons, tattoo parlor pawl le barbershops pawl hna hunnak ding ah cun a tuan tuk rih tiah ka ruah tiah a chim. President Trump nih a chimmi hi Kemp aiawh biachimtu nih fawibai ah a let kho colh loh.

Georgia Governor, Trump Appear at Odds Over Senate Pick - WSJ

President Trump nih a peh ṭhanmi cu Georgia chawlehthalnak ruat in Kemp nih timhtuahnak a ngeihmi nih hin harnak nganpi a chuahpi khawh. Georgia hi coronavirus hneksaknak zong ah harnak tampi an tong rih lai. A tu tiang ah an hneksak cangmi hna hi cu mi tlawmte lawnglawng an si rih. Cu bantuk in coronavirus dohnak ah hin harnak tampi an tong lai in khat le khat an i chawnh kho tiah a chim.

A Day After Praising Georgia Gov Brian Kemp, Trump Says He ...

A tu tiang ah hin Georgia state chung ah zatuak minung pahra lawng hneksak an si rih. Nikhat ah minung 3,500 in 4,000 kar hrawng lawng hneksaknak hi an tuah khawh. Cacawn nithumni ah khan state nih an thanhning in suimilam 24 chung ah minung 6,000 hneksak an si tiah an chim chih. State Department of Public Health hna nih an thanhning in cacawn nithumni tiang ah khan Georgia state chung ah zawtnak a ngeimi minung 21,000 renglo an si cang. Cu chung ah hi zawtnak a thihpi cangmi hi minung 846 an tling cang tiah an chim. Ref: ABC News

Note: Chinworldnewsvening nih thawngpang kan ṭialmi hi kanmah nih kan phuahcawpmi kan ṭialmi a si lo. Reference/Credit/Source ṭha tein kan pek peng lai. Mi caah a ṭhahnem lomi paoh cu hrial kan izuam zungzal. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevaning page ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.

Leave a Reply