George Floyd Thihnak Ai Tel Vemi Police 3 Tlaih An Si Cang

World News

Minesota AG Keith Ellison nih George thihnak ruangah ai telmi palik pa 3 tlaih rih lomi hna, Thomas Lane, J.A. Kueng le Tou Thao cu a tlaihter cang hna. Minak pa George Floyd a hnawng a rialtu pa, Derek Chauvin cu an tlaih cang i, an hren. Minung thah le lainawn 2nd degree murder, third-degree murder and second-degree manslaughter in taza cuai a si.

Minnesota AG Keith Ellison nih hin hi an tlaihmi palik pa 3 hna hi zei bantuk case in dah taza an cuai hna lai timi cu a fiang rih lo. Goerge Floy a thattu Derek Chauvin hi minung thah le lainawn (First Degree Murder case) case in taza cuai khawh rih zong a si tiah theih a si fawn. Thawngpang upadate ahcun thanh ṭhan khawh rak izuam lai.

Minesota AG Keith Ellison nih cun “Dawtmi George Floyd chungkhar hna le dawtmi community hna le duh lo a langhtertu mipi hna, kan unaupa George Floyd hi dawtnak a ngeimi a si. A nunnak hi a biapimi le man a ngeimi a si. Amah caah dinnak ahmaanmi biatak kan hmuh hrimhrim lai,” tiah a chim ve.

Salai Lairamthang

Franklin Graham nih President Trump A Dirkamh. Sandah piahtu hna nih an khanghmi, St.John Church ah President Donald Trump a kal i bible a put ruangah micheu khat nih an soisel nain Evangelist minthang Franklin Graham nih President Donald Trump cu a dirkamh colh. Franklin nih a Facebook ah a tialmi cu, “President pakhat nih biakinn ah bible a ken i, a kal kha thil sual a si lo, kan i lawmh dingtu a si. Pathian bia lawnglawng hi mi vialte ca le kan ram US caah ruahchannak a umter tu khotu a si. Atu kan tonmi buaibainak hi thlarau le ziaza lei in kan chambau ruangah a si. Mah vialte a thleng khotu cu Pathian bia bible lawnglawng a si.

“Pathian ka zum aa timi cheukhat hna le media cheukhat hna nih Kan President pakhat nih biakinn ah kal in bible a kenmi an soisel ka hmuh tik ah ka zumh kho hrimhrim lo, ka khuaruah lei a har. Soisel cu chim lo, an thangtthat i an lawmh dingtu a si. Soisel nak in thla tu an cam piak deuh ding a si. Church hruaitu hna nih an sawm than i, atu bantuk kan ram nih fahnak a ton lio caan ah kan ram tha tein a hruai khawnak dingah thla tu an cam piak deuh ding a si.

Khirhfabu kip in Pastor vialte, ram hruaitu vialte nan dihlak nawl kan duhmi hna cu kan kut i tlai hna usih law kan thinlung dihlak in kan ram caah thlacam tti hna usih. Pathian nih kan ram hruaitu vialte, kan khuabawi vialte, kan governor vialte, a kan vengtu palek vialte, ram hruai thiamnak a peknak dingah thlacam tti hna usih. Pathian bia pakhat lawnglawng hi kan i ruachannak le kan damnak a si.

Atang lei bible cacang te hi St.John biakinn an khangh ni i, a FB ah a tial chihmi bible ca cang a si. “Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih. [ Hebrew. 4: 12 ] Franklin Graham cu Billy Graham fapa a si. [ A dikdiar in lehmi a si lo, a tawifiannak tu in lehmi a si. A dikdiar rel duhmi nih cun a FB ah rel khawh a si. ]

Leave a Reply