George Floyd Nupi Cu Biachim Cu Phundang A Si “Mipi Cawlcanghning Nih Floyd Lung A Fahter”

Thawngpang

Atulio USA ah a lin sak taktami George Floyd thihnak kongah a nupi zong ai sum kho ve ti lo a holh ve cang. A nupi nu biachim zoh tikah George hi miding felte a si ko. Zeitindah a nupi nu Courteney Ross nih a chimmi cu “Minneapolis ah mipi nih an luntlin lonak langhter in inn an hrawh khanghmi le police motor an khanghmi nih hin George Floyd lung a fahter (devastate) lai. Lungtlinlonak, lungfahnak le awlokchong (frustration) in an umnak hi ka theihthiam ko hna”.

Shots fired during Denver protest of Minneapolis man's death ...

A peh rihmi cu “ Georg Floyd nih khuapi (city) hi a dawt. Huston in a ra i hi ka hmun in khuasa in mi caah rian a ṭuanmi a si. Floyd hi mingan palina ngaingai a si. Amah hi mi nunnem a si i daihnak a duhmi minung zong a si. Mipi an lungfahnak le lungtlinlonak hi ka theihthiam ko. Asinain hi bantuk thazaang chuahnak in si loin daihnak siseh law a ṭha (protest in peacway),” tiah a chim. Dailymail

Protests spread across US as cop charged over George Floyd death ...

By Zasang Cinzah
Tulio USA ah a linsa taktakmi “George Floyd” a thihnak kong cu hitihin a si. Chicago Ave lam cung ah a ummi “Cup Food” dawr ah George Floyd cu fang 20 ca a deu iput in kuak cawk aa timh. Dawr hngaktu nih phaisa deu a si an theih cangka tein palek an chawnh hna. Minneapolis police officer pali cu an rak ra colh. George Floyd cu an tlaih. A kut an leh i cingcek in an khih.

Mawtawk ke hram, lam cung ah an tluk i police officer pakhat nih a khuk in a hngawng ah minutes 8 tluk a rial chiah. A dang officers pahnih nih a ke lei in an tlaih piak. Asian lei officer nih minung a kham hna. George Floyd nih “ka thaw ka chuah kho lo lo e” tiah a nawl hna nain an thlah duh lo. Caan sau ngai a hrial chih hnu ah ambulance a rak phan. George Floyd cu a col ti lo. An cawi i Ambulance ahcun an khin. Cuticun an kalpi. Ambulance chung ahcun paramedic nih a thaw an zoh i, a thaw a um ti lo an ti. A ttang ah an nam len nain a thaw a um ti lo. Cuticun, sizung an phanpi i sizung in a nunnak a dih cang tiah an thanh.

George Floyd a tlaitu palek officers hna an min cu: “Derek Chauvin, Thomas Lane, Tou Thao, le J Alexander Kueng’ an si. A hngawng ah a khuk in a rial chihtu Pa hi “Derek Chauvin” a si. Nihin tiang ahcun an tlai rih hna lo. Minneapolis khuabawi, Jacob Frey nihcun “ziah a tu tiang an tlaih bal hna lo. An tlaih diam cang hna ding a si” tiah a au hnawh hna. “Hma cu a luangmi thisen phih hmasa loin, zeitindah kan damh khawh lai?” a ti hna. Video a hmutu vialte nih a tlaitu police officers hna cu sual an phawt dih hna.

Minneapolis khuami cu an thin a hung tuk i sandah an piah. Innlo an hrawh. Target dawr cu an bauh lawng si loin mei in an duah. Cu lakah a cheu nih dawr thil cu an rak i fir. Sandah a piahtu pawl cu Palek nih meithal in an kah hna i “minung pakhat kuan hma in a thi i 3 hliam an tuar” tiah nydailynews nih a tial. FBI nih hlathlainak tuah colh dingin US President Donald Trump nih a fial hna.

George Floyd a tthattu pa, Derek Michael Chauvin cu nihin zinglei suimilam 11 ah an tlaih cang. Third degree lainawng in sual an phawt. Anmah Ninnesota ramkulh phung ning cun Third Degree lainawng hi a tambik kum 25 tiang thongthlak khawh a si an ti. Kum zeizat thong dah an pek lai hngalh a si rih lo.

Third Degree Lainawng cu, “itimh loin minung thah sual” ti hi “Third Degree Lainawng” tiah an auh. Palek officer, Derek Michael Chauvin sualphawtnak hi Floyd chungkhar nih an lungtling lonak an langhter colh. A za naisai lo an ti.

Derek Michael Chauvin nih Floy a hngawng in a rial chung hi minutes 8 le second 45 bakte a si. A hawi officer dang pakhat nih “kan leh a ttha hnga maw” a ti ko nain, Derek nih “No’ staying put we got him” a ti. A fawinak in chim ahcun, a duh lo.

George Floyd cu Derek nih a rial chung ah a col ti lo. A col ti lo caah officer dang, J. Alexander Kueng nih a thaw cu a check. “A thaw a chuah ka hmu ti lo e” tiah J. Alexander Kueng nihcun a chim. Asinain mah tiang ahkhan Derek nih a rial chih peng rih.

George Floyd a nunnak thaw a cah hi a col ti lo hnu in minutes 2 le second 53 chung ahhin a si tiah sualphawtu nih an langhter. Nihin tiang ahcun Derek lawng cu an tlaih. A hawile pathum zong hi tlaih chih viar dingin mizapi nihcun an au hnawh hna.

Leave a Reply