George Floyd Naupa Nih Mipi Sinah Nawlnak A Tuah “Hi Bantukin Cawlcangh Ti Hlah Uh Kan Pa Zong A Kir Ti Lai Lo”

Thawngpang

Atu lio cu Minak pa, George Floyd kum 46 thihnak ruangah duh lonak langhtertu mipi an karh chin lengmang i buainak a phunphun in an chuahpi cang. Ram uktu cheukhat zong nih an hmuhning an chim len cang. Minak pa, George Floyd kum 46 cu phaisa ttuh in dawr i thil a cawk caah palek nih an tlaih.

This is how loved ones want us to remember George Floyd - CNN

Palek Derek Chauvin kum 44 le adang palek pathum nih an tlaih i cinck an khih hnu ah an thluk i, Derek Chauvin nih a hnawngah a khup in minutes 8 chung a rial chih i “ka thawh ka chuah kho lo” tiah a au hnu ah emergency in sizung a phakpi i a thi beh. Doctor te nih tha tein an chek tik ah George Floyd hi coronary artery zawtnak le hypertensive heart zawtnak a rak ngeimi ciami a si caah atu bantuk in a thih behnak a si an ti.

Image may contain: one or more people

George Floyd a thihnak kongah mipi nih duh lonak an langhterning a ti tuk cang. An luan tuk ngamsam cang. Dawr bauh khawhmi paoh an bauh i a chung thilri an fir, datsi dawr an kangh. Palik motor an kanghh buainak phunphun an chuahter chin lengmang ruangah George Floyd naupa Terrence Floyd nih duh lonak a langhtertu mipi hna cu tharung hmangin buainak chuahpi ti lo dingin nawlnak a tuah hna.

Image may contain: one or more people and people sitting

Terrence Floyd nih cun “Mipi nih nan tuar inning ka theihthiam tuk ko. Asinain ka tuarning i a cheu hmanh nan tuar ka zum loh. Keimah hmanh nih tharung hmangin buainak ka tuah lo ahcun zeiruangah dah mipi nih buainak nan tuah? Hi bantukin nan cawnghmi ruangah a nunnak a liammi ka upa a rak kir ti hlei lai lo. Kannih chungkhar hi remnak le daihnak a duhmi akn si. Remnak he karhlang hna usih. Pathian ṭihzahmi chungkhar kan si ruangah kan upa zong nih hi bantukin kan cawlcangh hi a duhning a si lai lo, He is not comming back,” tiah mipi sinah a chim. Ref: Daily Mail (CT)

Leave a Reply