George Floyd Hi Zeiruang Set Ah Dah A Thih Timi Fiang Tein An Chim Cang

Thawngpang

US ramchung buainak hrampi a simi George Floyd thihning cu fiangte in thanh a si cang. George Floyd chungkhar hna nih hi thihnak a phanh pitu hi zei set dah a si timi (autopsy) cu tlamtlingte in an tuah cang. Chungkhar lei in phungthiam attorney hna nih cacawn nikhatni ah mipi sin ah an thanh. Hennepin County medical examiner ‘hneksaktu’ hna nih an chimning in thanh a si. An chimmi cu thawchuah kholo (thawdawp kholo) in a um ruang ah a si “asphyxia – asphyxiation from sustained pressure” tiah an chim.

New, Independent George Floyd Autopsy Calls Death Homicide – Deadline

Hneksaknak a tuahtu ‘medical examiner’ Michael Baden nih thawngzamhtu pawl he kawmhnak a ngeih ah ‘hi thihnak hi sii lei he ai pehtlaimi a si lo’ tiah a chim. Cun a chim rihmi cu sii-inn lei an kalpah ambulance cung ah hin Floyd nih CPR pawl hi pakhat hmanh a lehmi hna a um loh ti a si. Hi thihnak hi cu ‘thah’ ruang ah a si ko ti in independent autopsy nih cun an fehter.

Jeffrey Epstein Death: NYC Medical Examiner Dismisses 'Homicide ...

Goerge Floyd attorney Benjamin Crump lebang nih cun Floyd hi kha dawr, lenglei ‘ourside the corner store’ ah khan a si tiah thawngzamhtu sin ah a chim. Kha officers hna nih khan an thah a si ko. Khup in a hngawng ah minute pakua dengmang thaw chuah kholo in nenh a si ruang ah khan a si. Cun a keng zong ah khup pahnih in nenh a si rih. Cu nih cun a cuap a va hnengh. Cu bantuk in minute pakua dengmang tuah a si ruang ah a si ko tiah Crump nih a chim.

Officers cut off blood and air flow to George Floyd's brain ...

Chungkhar lei in ruahnak cheutu ‘co-counsel’ Antonio Romanucci nih officers Thomas Lane le J.A. Kueng hna nih an nenh ruang ah khan a thluak ah a kal dingmi thi a kham. Cun a cuap ah a lut dingmi thli zong a kham chih tiah a chim. Crump nih Floyd chungkhar lei duhning ah cun Chauvin hi lainawn ‘first-degree’ in sual phawt siseh. Cun officer dang pahnih hna hi phung nih a onhning paoh in hrem si hna seh ti an duh tiah a chim. Ref: Washington Post ‘palhsualmi a um ah cun lungthiangte in i chimhruah khawh peng a si.

Leave a Reply