Gen. Soleimani Fanu Zeinab Soleimani Nih A Pa Thihnak Kongah A Chimmi Bia. America nih cun hriamnam le rumnak lawng a ngaih, kannih nih cun pasal ttha kan ngaih. Zeinab Soleimani: President Donald Trump nawl peknak in an thah mi Iran Gen. Soleimani fanu Zeinab soleimani nih a thimi a pa phuhlammak dingah Iran nih zeihmanh an ttih lo nak kong cu a tanglei bantukin fiang ko in a rak langhter.

Zeinab soleimani nih a chim mi cu: Mah iran ram fate (Persian/persia) ngaw lawng asi mi le hlan pipu hna chan in raltuknak ram a rak si cang mi nih hin a ram kauh zawng le a ramchung a tlawngleng mi hna caah zeihmanh a ruat bal lo, hriamnak le rumnak zongin America ram cu zeitik hmanh ah a tluk kho lai lo.

Asinain Iran nih raltu mi le pasal ttha (persian) mi tlawmte lawng an ngaih, cu hna nih cun a rak hringsortu hna chan in nihin ni tiangah an thisen dihlak tiangin an nunnak tiang pek in ram le miphun caah an thinlung an pek dih. Ram le miphun caah i pumpek ngamnak hi USA dohnak ahcun a zatuk” tiin Gen. Soleimani fanu Zeinab soleimani nih cun apa thisen luangmi phuba lak nak kongah Iran mipi cu ttih lo dingin a forhfial hna.

US bantukin midang nih cun hriamnam tambik ngaih te hna, ralkap thazaang tthawnter hna le meithal le a mu tambik ngaihnak ding kong hi an ruat in an tuaktan ve lo. Asinain midang nih cun an ram le biaknak phunglam ven himnak dingah cun ha caah ha, mit caah mit, thisen caah thisen. A dongh tiang kan cawlcang lai. America nih cun hriamnam le rumnak a ngaih i, kannih nih cun pasal ttha kan ngaih”tiah a chim.