Final An Luh Khawh Lomi Cungah Messi A Lungtling Hrim Lo, Champion Dingah Brazil Thim Sa An Si-Messi

Sport

Final An Luh Khawh Lomi Cungah Messi A Lungtling Hrim Lo, Champion Dingah Brazil Thim Sa An Si-Messi

Image result for messi

Tutan Copa America ah Argentina cu pathumnak (third-place) lawng an hmuh mi cungah Lionel Messi a lungtling kho hrim lo. Copa America champion dingah rianttuantu hna nih Brazil nih lak dingin an rak timh sa dih cang,’tiah a chim.

Semi final match i Brazil lak an sungh lio zongah khan Messi nih a tlungtlin lonak kong a chim pinah mah zohkhenhtu match official hna tiangin fak piin sual a phawt hna. Cu lawng si loin nizan pathumnak an i cuh lio i chuah a tonmi cung zongah a tlungtlin lo nak a chim fawn.

Image result for messi

Tutan Copa America ah football zuamnak kongah a tanglei bantukin Messi nih a lung tlinlonak kong a chim.

Image result for copa america 2019 brazil team

Mah zuamnak (tournament) hi a hramthawk tein a dik/hman ti lo i, Brazil team champion dingah timhlamhnak/ruahman dih a si cang. Hi bantuk zuamnak (tournament) fixed dih cang mi le fihnung tuk mi ahhin i tel peng a herhnak um lo.

Tournament chungah hin kan team cungah upat/ttihzahnak a pelte hmanh an langhter lo timi hmuh hrim ah ngaihchia ngaingai, pakhatnak (champion) ding mi timh sa a si tikah referee pawl nih game vialte an hrawh dih fawn,”tiah Bracelona le Argentina star Lionel Messi nih biahaltu sinah a chim.

Hi kong he pehtlaiin The South American Football Confederation Conmebol nih thanhnak an tuah colh ve. Messi min an langhter lo nain an timi cu mah zuamnak (tournament) ah team 12 hna hi aa khat dih in kan zoh hna, hi bantukin a si lo ning in puhnak vialte hi tournament upat hmaizah lo a si,”tiah an chim ve.

Tuzan deilei India time 1:30am, Myanmar cun 2:30am ah Brazil le Peru final an chuih lai. Hodah pakhatnak (champion) si te lai.

Leave a Reply