Halkha tualchung dirhmun le sining konglam: Covid-19 kong he pehtlai in i zohkhenhnak le mipi cawlcanghning le minung lungthin ruahnak ‘Zapi Aw’ Halkha hrambunh The Hakha Post nih biaruahnak tete a ngeih hna.

Cu biaruahnak an ngeihnak Halkha khua ummi pakhat nih a chimmi cu,”Covid-19 zawtnak kongah Acozah nih zohkhenhnak le hlathlainak zeihmanh an ka ngeihmi ka thei lo. Cun, hmailei a ralaimi thimnak kongah mipi dawtnak a ngeimi le mipi hnakkartanhnak a ngeim minung hi ka saduhthahmi a si. Dawtnak a ngei lomi minung zong kan i fiang ngaingai cang. Kan duhmi minung thimnak ding ah cun a tu hi lungrethei le tuaktan a ngei ngaimi ka si ve.

Covid-19 ruangah harnak kan tonmi hi eidin kongah siseh, a dangdang si le ai i zohkhenhnak ah siseh hihi Cozah nih zohkhenhnak zeihmanh an kan ngeih lo, kanmah thazaang a zohkhenhmi kan si,”tiah Halkha ummi pakhat niha chim.

Acozah rianṭuan kong he pehtlai in halkha ummi pa nih a chimmi cu,”Atu ah kan fale cio zong, aho fale cio zong Boih (degree) a la i sianginn ṭha tein a chuak kho mi an um. Asinain rian pakhatkhat an sawk (hal) tikah tangka a pe kho deuhdeuh paoh nih rian an hmuh. An phitmi a awn le awn lo tuaktan ti lem loin, tangka a pe kho deuh paoh rian an hmu. Sifak santlailo cu zeitluk in khua le ram a daw dingmi a si zongah tangka thazaang a ngei lomi hna caah cun rian hmuh khawh zong a si ti lo.

Cun,thuhnawh (eihmuar) a um ti lo an ti ko zongah hin hlanlio ralkap pawlnak hmanh in atu ahhin an zuar deuh in ka hmuh. A ruang cu rian pakhat sawk tikah kan theih cio bang hlanlio Kawl ralkap uknak lio hmanhah (ting) 9,10 hrawng in ziknawh ahcun rian hmuh khawh a rak si. Asinain ting 30,10,50 loin cun hmuh khawh a si ti lo. Zeitluk fimthiamnak a ngeimi fale kan ngeih hna zongah tangka chawva a ngei lomi hna caah cun riantuan awk ngei loin um sawhsawh a si ko. Fimthiamnak a ngei theng lomi cu tangka an ngeih ahcun rian i hmuh thluahmah a si ko,” tiah Halkha ummi pakhat nih a chim. VIDEO timi hmeh piak law tlamtlingte in ngaih khawh a si lai.

Note: The Hakha Post thawngzamhnak chirhchan in kan rak tarlangh chinmi a si.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Kan ca a kan rel piaktu nan dihlak cungah kan ilawm. Upatnak he-Admin