Nizaan ah media thawngzamhnak ah a hung lar ngaimi cu Thlanglei Laitlang kan unaupa pakhat cu Rakhine pawl nih tonbiaruah dingin an auh i an thah beh timi thawngpang a hung linsa ngaingai. Hi kong he pehtlai in ACR Coordinator a simi James Bawi Thang Bik nih kawlca in fiannter a von tuah colh ve.

Hrilhfiahnak: Malaysia ah ummi Chinpa konghe pehtlaiin Chin Media nih an thlazamhmi kong cu a tanglei bantukin fianternak tuah ka duh. Hi kong thawngpang nizaan mail in ka theih ve. Mail in thawngpang kan hmuh le cang ka in a rannak in kan Kanpalet Community hruaitu upa hna he hlathlainak kan tuah colh ve.

Thah a tong an timi Chinpa he zong kan i chawn kho. Amah zong a nung ko a thi loh. Hi pa hi kanmah Alliance Of Chin Refugees (ACR) Card a tlaihmi a si. Cucaah a dik lomi thawngpang hi mipi sinah thlah hram ti hna hlah usih. Miphun tiang a buaiter khotu a hmaan lomi thawngpang kan thlahpiak sawh ti hlah uh.

Thawngpang dik loin Chin Miphun le Rakhine miphun karlakah buainak a chuah ding kan duh hrim loh. Atu bantuk thawngpang he pehtlai in kan theihhgalhmi a um ah cun ACR sianh thawngthanhnak nan rak tuah colh nak lai kan nawl duh hna. Kaa Lawm James Bawi Thang Bik

Note: Kawlca kan Laica in kan lehchommi a si caah kan palhnak tampi a um kho men aruahzia na kan thiamnak lai kan in nawl duh hna.