Federal Democracy Asi Khawhnak Caah Tlangcung Miphun Dang Nih ICC Le ICJ An Buaipi Lio Ah Chin Cu Idol Lawng Kan I Za: Khah Chinmi kan pa pakhat simi Thlaawr Bawihrin nih atu lio Chinmi/ Laimi kan dirhmun ruahnak le kan hoi Tlangcung miphun hna drihmun ruahnak kong a chim mi hi ruah lo awk ttha lo. Tha tein ruah ahcun kan hoidang Tlangcung miphun hna le Chin miphun kan ruahnak cu a rak i dangtuk luammam ko.

Vawlei pi theih in Kawlram cu a konglam ceih ding a hung si cang. Kan hoi Tlangcung miphun dang hna nih Federal Democracy kan hmuh khawhnak hnga tiah an buaipi lio ah kannih Chinmi phun cu atu lio Myanmar Idol nih a kan dolh dih taktak ko rua hih. A tang hi kan pa Thlaawr Bawihrin nih a chim mi si, ruah lo awk ttha lo.

Thlaawr Bawihrin: Federal Democracy Kawlram asi khawhnak caah tlangcung miphun dang nih ICC le ICJ kong an buaipi lio ah Chin cu Idol kong cio a ceih rihmi dirhmun ah kan dir rih mu??

Relchih: ICJ CASE AH CHINA NIH KAWLRAM A DIRKAMH DUH TI LOH: China Zong Nih Gambia Cu A Hnatlakpi Ruang Maang Cang Ko Hih. China nih Kawlram hi a dirkamh pengmi ram a rak si. Veto tiang voi tampi hmang in UNO beiceihnak ah a dripi i a khamh tawn. Asinain atutan ICJ case ahcun daitein a um ziar. Daite umcu a hnatlak pi ve hna khi asi ko. A dirkamh duhlo lawng siloin an luan tuk cang i a ngamh tilo zong asi kho mi asi. Gambia le China Pehtlaihnak (Diplomatic ties) cu 1974 ah a cat. Gambia nih Taiwan he pehtlaihnak a tuah caah China cu a thinhang tuk i Gambia he Diplomatic Ties a chah dih.

Kum 20 renglo pehtlaihnak a ngei tilomi Gambia le China cu 2016 kum in ipehtlaihnak lam an kawl tthan. Gambia sawmnak in China Forein Affairs Minister WANG YI cu Gambia ah a tlawng hna. 2018 ah Gambia President Adama Barrow zong China ah a tlawng ve i President Lu Xi Jinping he an i ton. Gambia nih ONE CHINA POLICY a hnatlak pi hna caah Pehtlaihnak (Diplomatic Ties) cu an tuah tthan cang. China nih Gambia tthanchonak bawmh awk ah biakamnak tampi a tuah ve. OIC Confetence 2020 Gambia nih Host an tuan lai i Airport le lam caah China nih a bawmh rih lai.

China le OIC ram chawlehnak hi 260 Billions asi. Gambia cu OIC min in Kawlram tazacuaitu asi tik ah China caahcun Kawlram lei ah dir awk a ttha lo. OIC doh in Kawlram dirkamh cu A ngamhnak nih a phan ti lo. OIC nih Kawlram cu Gambia hmangin tazacuai an timhnak hi kum tampi Plan timhlamhnak ttha tein an suai ciami asi. Gambia le China Diplomatic Ties tuah mi zong hi OIC plan asi. China zong a cawl kho ti lo. Kawlram lei dirkamh ding a ngamh ti lo. Aduh ti loh.

Hmailei zongah UN ah Kawlram hi tazacuai um sehlaw China nih hin hlan bantuk in Veto in a dirkamh duh ti lai lo. Kawlram caahcun vanchiat zatlak taktak asi ko cang. Ningt’ih zong asi. Kawlram Cozah le Upa pawl caah ICJ hi an lungfimnak le an zia t’hinhnak si hram ko seh.Tlangcungmi dihlak kan zalennak khawh deuhnak caah cang hram ko seh.