Salai David Ngai Sak: Ruahlen awk. (Kawl holh in a ṭial mi kha Chin holh in aatlak ning in Lehmi asi) Kawlram timi hi Panglong ning in Tlangcung mi le Kawlmi I fonh in rak derh mi Union of Burma asi. Miphun pakhat lawng nih dirhmi le tohmi ram asi lo. Myanmar timi cu Burma miphun kha chim duh mi asi. Miphun vialte kha Myanmar tiah auh khawh asi lo tiah Pi Ci nih a chimphuan mi aum.

2020 Jan 4 ah hman hramthawk dingmi, Uk Sang Lemcuang Tangka tlap ah, Union Of Myanmar tiah ṭial loin Central Bank of Myanmar ti tuin an ṭial. Kawl miphun lawng cungnung ah chiah in a dang miphun hna an kan hlawt asi hnga maw? Tulio Ram hruaitu upa hna nih Miphun dang kha zomhtaih le thlanglamh asi hnga maw? Tlangcung miphun hna sin ah Miphun pakhat lawng nih khuhmi policy kha Mipi thimmi Cozah nih biatak tein a hlawhtlin nak a langht ter mi asi ko hngal lo maw? Ruah len lo tuaktan loin um khawh asi hrim lo. Annasin timi hruhru hrang hrang Uktu hna le Ukphung hman nih Tangka tlap ah Tlangcung miphun hna kha an kan cohlan. Union of Burma tiah an ṭial.

Leiminh nih miphun a dolh lo. Miphun nih dolh ah miphun atlau timi tuanphung. Myanmar ca ati riangmang I Burma caholh lawng cawnding, Budha zulhphung le upadi hna kha Myanmar Zulhphung Upadi ah an leh I cucu Miphun kip kha ankan zulh ter. Nunphung University ati riang mang I Kawlmi nunphung lawng te an cawn ter hna. Amyota Ni a ti riangmang I Kawl miphun pi Ni pungsan in tuah lengmang asi fawn. Fianternak: Kanchan chung Krismas cu kan hman lengmang ko nain KRi he kan I ton ballo bantukin le Krismas thawt nam nak le a rim kan theih ballo bantukin Mipi Cozah asimi NLD Cozah nih Democracy phung le Tlangcung mi tinvo ah an kan kal pi ko.

Hi nih hin kan tum federal ram cu chimh lo Democracy sawh sawh hmanh kan phan lai ka zumh lo. Mipi Cozah nih Winkaba ah chuahnak lam tlau bantukin Democracy lamthluan a tlau cuahmah lio. Chan chuahtu an ngei ti hna lo. Independence Ni timi Zalonnak Ni theng mang ah Mipi cozah nan timi NLD cozah nih Burmanization timi kawlmi lawng sinak afek ter mi hi kue party tanh tu chinmi hna nan lung atha ko maw? Saya Rung Kaw