Fale Hi Misual He Mittha He Nu Le Pa Caah Thluachuah Sunglawi Taktak An Si: Pastor Than Kep

Chin News

Fale Hi Misual He Mittha He Nu Le Pa Caah Thluachuah Sunglawi Taktak An Si: Pastor Than Kep

Image result for baby

Fale hi a sualmi he a thami he, nu le pa ca ah thluachuah sunglawi taktak an si! Fa sual le fa tha lo an ummi hi nu le pa ca ah biahalnak nganpi a um???

Fale thatnak dingah aho dah tuanvo ngeitu a si??? Fa sual hi thluachuah a si lo ahcun fale a cawnpiak lomi nu le pa zong thluachuak lomi nu le pa tiah ti an hau ve!! Lai mi nu le pa nih fale kan cawnpiak ning: 1. Zuk-hmuam kan chimh hna, 2. Zu din kan chimh hna. 3. Pathian bia le thlacam a chimmi cu mitlawm te an si.

Cucaah na fale an fel lo tikah thluachuah an si lo tiah na ti kho lo. Nangmah tu kha na fale ca ah thluachuah na rak si lo. Zeiruangah? Na tuah ding tuah loin na tuah lo ding pei na tuah cu!! Nu le pa hi tuanvo ngan bik ngeimi kan si. Ruat than, ruat than, ruat than rih. Credit: Pastor. Than Kep

A tang hi rel chih: Fale hi Pathian thluachuah rosung a si hrim ko, fa 3 lawng ngeih aa timmi nuva nih fa 21 bak an ngeih

Fale hi Pathian pekmi laksawng a si hrimhrim ti cu mithmuh kuttong in lang. Fa 3 lawng ngeih aa timmi nuva hna nih fa 21 bak an ngeih. England ram chungkhar ah minung tambik simi Novel Resford chungkhar hna nih a 21 nak fate an ngei than cang. Fa 21 ngeimi nuva Suu le Novel hna hi an ngakchiat lio kum 14 le kum 17 an si lio in an rak i ngei. An i ngeih tlawmpal bak ah fa an ngei colh i nihin ah cun fa 21 bak an ngei cang.

A hniang bik siloah a 21 nak fa zong tunai nihnihni ah khan an ngeih than. Nute a si i pound 8. 4 aungsah a si. Resford te chungkhar chimnak cun hihi a hnu bik fa kan ngeih si cang lai, hi hnu cu kan ngei ti lai lo tiah an ti ve. Sinain mi tampi nih cun an bia an zum lem hna lo. Zeicahtiah tuan deuh pi hrimhrim zong in hi bantuk fa ngeih lo nak hi an chim len cang nain an ngei peng i nihin ah cun 21 an tlinnak a si an ti.

Chugngkhar nu bik hi kum 42 lawng a si rih, a chimmi cu ngakchia kan ngeih hna tikah hin puak i i cuh zungzal a si. Fa kan ngeih fate kan chungkhar kan i nuam, lawmhnak in kan khat. Puak le pom i cuh peng si ko. Sinain hi hnu cu kan ngei ti lai lo, kan saduhthah a tling cang tiah ti.

Pa bik Novel chim ve nak cun a hram thawk cun fa hi 3 lawng ngeih kan i tim ko. Sinain ruh lo pin kan ngeih thluahmah i 21 bak kan ngei cang, ngeih duh ko na a ngei kho bak lomi lak ah hi zat kan ngei kho tiah a lunglawmhnak a chim. Atu ah cun Suu le Novel te nupa cu fa 21 le tu le 3 an ngei cang. An pawcawm nak dingah pumpak chang sernak company an ngei i cu ti cun an paw aa cawmmi chungkhar ngan pakhat an si.

Ref.Ladbible

Leave a Reply