Falam, Tidim le Hakha ah kan buai mi hi ningzak ngai a si: Kan miphun cawisang tu min thang, hlasak thiam Sung Tin Par le lemcang thiam mui dawh Thet Mon Myint hna hi kan lai miphun lawng nih min thanter mi an si loh. Kan kawlram ‘Myanmar’ chung um mi, kawl mipi tam deuh nih uar ruangah a minthang mi an si kan theih cio.

Laimi phun kan i ti nain kan miphun cawisang tu hi mi phun dang tel loin cun kan mah le kan khua cio dah lo cun vawlei pi cu chim lo, kan inn pa hman nih theih lomi mi tampi kan tampi, kan Chin miphun hi kan mah le kan mah kan i dawt lawng ah miphun dang nih kan i dawt nak fek ruan ah upat mi kan si hnga, Falam,Tidim le Hakha ah kan buai mi hi ning zak ngai a si.

Hakha nih vote kan thlak mi Falam nih an theih hau loh, Falam nih Hakha vote an thlak mi theih hau lo. Kan theih ding bal cu kan Chin miphun hi kan i dir kamh maw?? Kan i daw tak hna maw? ti hi kan lungput in a lang. Kawl miphun lak ah Chin aiawh in aa zuam mi an si lo pin ah kan theih ding cun kawl miphun aiawh in an-na zuam mi a si.

Chin state cu kawlram ah a um mi a si. Kawlram mi na si bantuk in Chin state cu kawl ram he then khawh si lo. Burmese- Chin kan ti mi ah hin miphun tling a chuah ter. Chinram chung ah Kawl ram pi a um mi si. Lo caah kan kawlram chung ah miphun pakhat ah aa tel ve mi Chin miphun kan si nak cu kan mah le kan mah i doh hi si hrim lo.

A ho nih Idol an hmuh zong ah kawlram mi pakhat si nak in co ding mi laksawng asi. Mah hi kan theih ahcun vote na thlak tik ah naa suum a herh lai loh. Na duh mi kha thla ko lungthiang tein. Na inn pa hman nih an in theih lo mi na si caah kan kawlram mipi nih thim ding mi ah hin na khua le na phun ah kan buaituk ah cun kawl mi sin ah vote tam pi kan hmu kho lai loh. Credit: San San