ICJ Pinlei ah Thuhhram Mi Tlangcungmi Genocide le Federal Democratic Value: Thy Kingdom Come, Na pennak tlung ko seh tiah Thlacam ti hlah u. Mah tein Khuakhan Lairel nak Zauk phung cu Pathian nih Bawipa thlacam ah an kan pek chih mi asi. Vawlei pennak kong asi hi mu.

Federal lamthluan kan kal cuahmah lio (Zan Mei Ceu le Chun Minmei in hruaitu ICJ le ICC) Bawmchantu thlah piak kan si. Vancung bak in Dingthlulairel nih thlah piak mi Tehte 2 bak ansi. Culio ah Kum 70 Chung Tlangcung mi hna Genocide sinak le inntuar nak kan chim phuan ve lo mi hi cu. Kaananram Ni 3 Lamkal kha kum 40 in nan kalpi asi ko.

Rilisen tanpi tu UNO (Nuhrin covo phu le Fortify rights bu zong) um ko ṭung! Miriam nih hruai nakin teinak hla sakcaan hi kan phak kho ve te hnga maw? Hluan Rili Kawl uknak Tanpi khotu Moses nan um ti lo maw si? December 10 ah kan phuan manh lo zong ah a caan aluan rih hme maw? Aherh le Vawlei minthang Upadi thiam sang hna teh kan hlan ve hna.

Gambia ram bantuk dirhkam tu tah kan kawl ve hna. Ramkhel lei in asi khawh lo ahcun Biaknak lei in teh kan cawlcang ve. OIC cu Muslim Biaknak bu ansi ko cu ta.Chin Khualipi hlun Falam nih nan tuah mi thil hi Jesuh kha Vailam ah khen chih uh. Banabar tu luat seh nan ti hi mu. Jerusalem mui ken lo in Scheme khuapi muisam ken Falam khualipi si ai ee.

Apoi tak ve si. Laimi umnak khua asilo hlah maw Falam khua hi? Ralkap nandonh hna lio ah Kachin Kan Unau nih Rolung an kan bunh cang. Falam khuapi cu Nunchung thlankhur an i cawh cia maw asi hnga ka ti? Genocide pin lei ah zei dah aum. Thlapale nih hnu lei zulh bantukin an kan zulh mi cu kum 70 chinmi le Tlangcungmi cu Genocide kan si diam cang ti hi asi. Vawlei benghlaw nanganh lo cu ko cu asi.

Tlangcung mi Genocide hi dar 40 leng asi lai dakaw? Genocide le Nuhrin covo buarnak tehte nan ti maw cu! AA Ralbawi nupi an tlaih ah Ngakchia le Bawhte. Thla 11 khat Bawhte rampi case in tlaih cu Genocide chin nak asi. Women Rights (Nu Covo) Child rights (Ngakchia Covo) buarnak case 2 tuin ai chap ṭhan diam ee. Shanram ah Kachin Sayama 2 kong Shanram Mitawikung khua pi thatnawnnak 1990 hrawng ah Irrawaddy ah Karen Khuapi that nawn nak, Rakhine le Chinram Paletwa hitlukin mipi an tlikzam, anthi an loh, hma an put, tbk vialte hnuchit buin Genocide kan si lo tiah va chimh ding hi na ruat kho ve maw?

Nuhrin covo buartu le Genocide tu poah poah (Cozah ralkap le Hriam tlai phu vialte tel in) mi pi nih cohlan awk asi ṭung lo kadawt. Democratic man (value) le Limhang (Dignity) timi kokek phung zulh ahcun Genocide tiang phak nak lam a um ve lo. Annasin le Party duhnak policy kuttang in Mahtein uknak pek timi cu Federal Democracy asi loh.

Genocide le covo, tinvo buar rel cawklo. Adang cu umrih seh minung kha minung in na hmuh lai ti kha Nuhrin covo le Democratic man (Value) cu asi ko. (NLD Cozah nih Tlangcung minung kha minung ah ankan hmuhlo) Minung kha minung in hmuh khawh lo in hi tlukin a temṭuar mi Tlangcung mi hna kong philh cikcek in ICJ ah Kadin ko, kafel ko, kasual lo, ticu vawlei pi nih zeirel lo chin ah kan I sersiam kha asi. Limhang pelte hmanh aum lo mi asi.

Pi Ci ṭanh lo kha asi lo. Mipi sandah piah hnawh mi pinlei ah aathup mi biatak tu kha chimh duh mi asi. Areng reng ah Nobel Peace Prize ahmuhco tu nih ICJ ah Genocide kong aaphisin ticu vawlei cung aum ballo. December ah Laksawng ahmuhco I Cu thla ah Tazacuai asi ticu! Rammi pi limhang zong azor dih.
Sihmanhsehlaw Pi Ci nih Democratic Value le Justice dirh pi in phuan hram seh tiah thlacam ko.

DASSK ṭanh pi lo kan tilo. We Stand with Justice tiah ti uh an kan ti UNO pi nih. Genocide pin lei aathupmi ruatcio uh si. Federal Democracy in kan in kal pi hna lai atimi NLD Party pakhat Anna le Power kut tang ah pek mi Federal Democracy cu Standard le Value asi bal lo lai. Unitary cozah le Autocracy cozah ah Federal Democracy cu chim lo Democracy hmanh a um kho lo.

Phunghrampi zeitlukin nan remh zong ah Ferderal Democracy lei a kal khawh lo hrim. Zeitintiah Upadi remhnak ah Mizaw an I tel velo. Sibawi hmanh nih Mizaw kha azawt nak ahal hnu ah Treatment a pek cu. NLD le tulio cozah updai remhcu Tlangcung mi zawtdam nak sii siloin Paracetamol pek le Muzi chunh deuh asi hnga? Tetdan adihmi sii chunh nankan timh tu asi deuh.

Federal Democratic (FM) phung lungthin ngeimi le cu lamthluan azulh mi nih Nuhrin covo abuar khawh lo I Genocide zong asi khawh ve lo. Value timi man le dignity timi limhang kokek in a ngei mi asi Federal Democratic kanti mihi. Cucu phunghram pi kua chung le Nawlpek mi chung in tlinter khawh mi kha chimh duhmi asi. FM nih hin tlaihtleng le siningcang tampi angei mi hna lakah Liberty, Equality, Justice 3 hi Langhang bik ansi. Hi phun 3 hi Phunghrampi kua chung in kan tlinter ahcun Nuhrin covo buar le Genocide asi khawh ve tilo.

Cucaah Tulio Kawl cozah cu Phunghrampi ah bunh mi Federal Democracy asilo (Constitutionally-based federal democracy). Uktu cozah Hrambunh mi Silo (261 rem aduh lo caah) (An administratively-based federal democracy), Baho in tlaikhih mi uktu cozah (A unitary democracy) an si. Federal damiah bantuk cozah (A federal dictatorship) ansi. Party pakhat le Bu pakhat lawng ṭhawn zungzal in Ukpen duh mi cozah le Baho lawng in zungzal uknak tawh tlaih duh mi cozah (A unitary dictatorship) an si. Saya Rung Kaw