December 2,2019 zinglei suimilam 7:42Am hrawngah falam khua pawngah 4.6 fakin li a hnin tiah theih asi. Atu i li a hninhnak hmun cu Hakha ramkulh li a hninh tawnnak hmun asi i, meng 33 hla hrawng asi lai. Falam khuapi in cun meng 14 hrawng lawng a hlatmi asi.

Asinain hi lihnin ruangah hin Falam khuapi le pawngkam hrawnghrang ummi hna nih harsatnak zeihmanh an tong lo tiah theih asi fawn. Li a hninhnak le Falam khuapi hi kan chim cia bang khan ahlat tuk lo, meng 14 hrawnglawng hlatmi asi i, lihnih a fak hi 4.6 asi tiah theih asi. (IPRD)

Laitlang ahhin cun cutluk in lihnih hi a um theng bal lo. Naite ah Yangon ah voikhat a hnin bal cang. Lihninh hi ttihnung ngaingaimi asi. A bikin laitlang lei caah ahhin ttihnung a ngai vemi asi. Aruang cu ruah ti hna a tam tikah, vawlei a ropcar, inntung a ropcar tikah vanchiat afawite mi asi. Ralrin ngaingai a herh.

A luancia kum ah Nepal ah fak taktakin li a rak i hnin i, khuaci an rak mui. Inn vialte a rawh dih tikhan si. Vawlei cung minthang Messi, Ronaldo tibantuk tiang nih bawmhnak an rak pek hna. Lungreithei vansang au in an rak um hna. Cucaah ralrin ngaingai a herhmi asi.