Chin ramkulh, Falam khuapi ah ngakchia pawl vitamin sii peknak le Coronavirus konglam chim fiannak an ngeih hna tiah theih a si. Sii peknak le Coronavirus konglam chim fiannak cu February 11 chun ah ngeih a si i ngandamnak zung lei i rianṭuantu hna cu Mucu sianginn kip kal in sii peknak le Coronavirus kong chim fiannak an ngei.

Vitamin sii cu thla 6 in kum 1 tang caah vitamin tingkhat thazaang cakmi le kum 5 tang caah tinghnih tluk thazaang cakmi vitamin si an pek hna tiah theih a si. Hi konglam ah ngandamnak zung i rianṭuantu zung i hruaitu Daw Lal Ni Pui nih cun Coronavirus chungin i kilvennak konglam chimh cawnnak an ngeih hna.

Kut thiang tein i ṭawl ding, damlo, mizaw pawng i kan um tikah hmai i huh ding, mipi vantlang thilri tonghtham tikah hnar le mit i tongh lo ding. Thazaang ṭhatnak dingah rawl ṭha tein rei ding ti bantuk pawl cu Coronavirus chungin kilvennak konglam cu chimh cawnnak a ngeih hna tiah theih a si.