Falam In Kaang A Hnu Bik Thawng-Update

Chin News

2021 January 8:30 update news: Falam ah inn 6 a kaang, tarnu pahnih an thi, thilri sing 80 leng man a ciam. Falam khua, January 12 zinglei suimilaam 4:10 hrawng ah Falam Lamtonnak ah inn 6 a kaang i kumkhua upa tarnu pahnih a kanghchih hna, thilri sing 850,000 man hrawng a ciam, tiah kan theih.

Image may contain: one or more people and people walking

Ahote inn in dah kangh hram aa thok ti le minung zeizat set dah an thi ti hi kan hlat lio a si. Atu tiang ahcun kum 69 nu, Pastor zong a rak tuan bal mi le hnachet mi nu pakhat a kanghchih hna. Zeitin mei aa thok i a kangh ti hi kan hlat lio a si. Zinglei 4:10 hrawng ah a kaang i 5:30 hrawng ah mei kan thah khawh. Thilri a ciam mi hi kanmah nih kan tuak ning ahcun tangka sing 850,000 man hrawng a si,” tiah Falam Pengkomh (Khayaing) lutlai Pu Ca Zung Mang nih The Hakha Times ah a chim.

Hi kong ah Falam Peng Meithat Zung lutlai phone kan chawnh nain damlonak ruang ah sii-inn ah a um lio a si i kan pehtlai kho lo. 2021 kum January thla chung ah atu hi a voi hnihnak inn kangh a can hi a si. Hakha Khuathar zong ah 2021 January 9, zaan 11:00 hrawng ah inn 3 a kaang i Seven Star kedan dawr ngeitu U Than Wai zong a kanghchih tiah, tiah kan theih. Credit: The Hakha Times

Relchih: Donald Trump a sungkhan naisai lo. Martial Law ahman lai tiah zumh asi. Trump nih a donghnak bik bia achim ah tthenkhat nih cun a sungkhan ko lai tiah an ti, cun trump zong nih teinak ahmuh lomi acohlan ko tiah atimi zong an um rih. Asinain abiachim thatein ruah tikah asungkhan naisai lo. Smooth tein nawlngeihnak thlennak (Smooth transition of power) a um lai tiah ati i, Biden sin ah pek dingin a chim bak lo.

A term khatnak in a term hnihnak i thlennak ding zong a si kho mi asi i, hihi a thuk ngaingai mi chungril angei mi asi. Cun adang pakhat cu America ram sunlawinak ding a rianttuannak MAKE AMERICA GREAT AGAIN caah hin a hramthoknak lawng asi ko (it’s just the beginning) tiah a chimmi zoh tikah i hlennak le tangka i cawknak siseh vote suaksam le i rawiphirnak ruangah Biden an tlinternak hi acohlang bak lo.

Cun a sungkhan hrimhrim ai timh lonak alang, tthenkhat ni an timi cu Trump nih Martial Law ahmang kho ti lo tiah an ti. Asinain ataktak ahcun January ni 20 chunhlan tiang hi Donald Trump nih nawlngeihnak dihlak angei dih. Cucu House speaker Nancy Pelosi nih atheih taktak mi asi. An rawiphir ning vialte hi Trump nih atheih dih ruangah an thin aphang, Martial Law ahman taktak sual lai i, timhtuahmi vialte alo dih lai tiah an ttih tuk.

Cucaah zarkhat te hmanh hngah an tim tilo i, impeach tuah an timh i, cu hlan an tuah ballomi vialte tutan ahcun an ziaza an langhter. Nancy Pelosi thiltuahmi cungah ramdang cozah vialte zong an khuaruahhar dih ti asi. Martial Law thanhnak ding aruang hi nifatin a um lengmang cang, Atu Democrat pawl an thiltuahmi adik lomi ITALY-GATE an timi president thimnak ah vote rel lio ah Trump Vote cu,

Biden vote ah an kalter mi zong ramdang asimi Italy le Germany hna nih Dominion seh hmangin an rak control dih tiah atheimi hna cu Trump nih afialmi hna US ralkap mi cungcuang special commando hna thiltuah arak si. Hmunkhat ah an ttuanti cang. Martial Law thanh hi ralkap nih an duh lo tiah ralkap lutlai tthenkhat aho ti theih lomi hna nih an chim timi zong kha an tleih khawh cang mi hna zong asi.

Aruang cu Obama chan ah ralkap lutlai tthenkhat an um rih ti asi. Ralkap hna zong nih thimnak kong ahman loning vialte an theih dih. Ningcang loin Biden atling timi zong an lung anuam hrimhrim ti lo tiah an chim. Thil umtu ning zoh cuanh tikah zeitik caan paoh ah timhcia tein ralkap navy siseh airforce hna cu an um cang i, zeitik ahdah rian an ttuan lai timi tu cu theih asi rih lo.

Thawngpang tlamtling tu cu vun langhter colh kan zuam lai. Alangh ning zoh tikah Joe Biden hi president caah luh dingin timhtuah cu asi. Asinain ram le miphun ahlawtu dirhmun ah a dir cang i, minung pakhat report ning le bang cun January ni 20 an i hngahhlang khawh men asinain president caah luh ding nicaan ah thong zong alut khomi asi tiah ati. Kei zong cucu ahman ko hnga lo maw tiah ka ti ve, Curuang ah lungdong loin Bawipa aw hi hngak in thla cam ko hna usih Bawipa cu atlai bal lo. By Dr PC Biaksiama

Leave a Reply