Falam khua ah ngakchia carel an zuam i an duh khawh nakhnga tiin Ninu Library rianngeitu hna nih tangka phalh in ngakchia ca an relter hna tiah kan theih. A sunglawi tuk hringhran. Hi bantukin kan fa kan naule zawnruahnak he hi bantuk thil a tuahmi Ninu Library rianṭuantu upa cungah lunglawmhnak tampi kan ngei. Thil sining a tangleiah kan ṭial.

“Atu kan ca uk ah kanmah nih a ri kan khiah mi ahcun taang 10 tang pawl ca ah a si. Cahmai 50 tang a rel kho mi poh Ks. 200, cahmai 50-100 a rel kho mi poh Ks. 300, cahmai 100 cung a rel kho mi poh Ks. 500 kan pek hna lai. Ninu Library ah cacawn nikhat in zarhte ni zaanlei sumilam 5:00 Pm in 7:00PM karlakah kan ca uk hlan khawh a si. Voikhat nan kan hlan tikah zarhkhat chung rel khaw a si. Zarkhat chung na rel khawh lo a si ah cun Library zohkhenhtu hna sinah thawng na thanh khawh.

” Tangka hmuh na duh ahcun, ca uk na relmi nan ap tikah Library zohkhenhtu hna sinah na rel ca uk min, a ṭialtu min le a chung i na relmi konglam le ca uk na relmi chungin zei bantuk dah na duh i zei bantuk dah na duh lo timi an chim rel khawh a herh ve” Mai Merry Kip Nem Sung nih a chim. Thil sining fiangfai deuh in theih na duh asi ahcun Mary Kip Men sinah thil sining hal khawh a si. Pehtlaihnak no. 09260461155