Falam ah Innhmun thar Pakhat ah Ting 5 in Ting 20 karlak in zuar hram an thawk

Chin News

Nihin November,2,2020 thawk in Falam ah acozah nih Falam khuapi Tlanglo sang le Cinmual sang i innhmun zuar hram a thawk i innhmun pakhat ah ting 5 MMK in ting 20 MMK karlak in an zuar hna, tiah theih a si. Atutan an zuarmi innhmun hi azapi ah hmun 245 a si tiah theih a si fawn.

Image may contain: 1 person, sitting and on stage

Innhmun an zuarmi pawl cu phun thum in anṭhen hna i innhmun a duhmi hi a milu in minung 803 fai an si hna tiah kan theih. Innhmun an ṭhenning han cu, Innhmun-A innhmun hi ting 20 MMK, B innhmun ting 10 MMK le C innhmun ting 5 MMK tiin an ṭhen hna.

Image may contain: 4 people, people sitting and indoor

Innhmun sok ding in dotla a simi hna cu Falam khuachung ah khua a sami acozah pension ei pawl, pastor pension ei pawl le Falam ah kum saupi innhlang in khua a sami pawl an si hna. Innhmun zuarnak cu Falam District uktu U Saw Tun Win le Falam peng uktu U Ca Awi hna nih an hruai hna.

Image may contain: one or more people, people sitting, table and indoor

Innhmun hi a tung-a vaang 60×80 a kaumi a si. Cu innhmun pawl cu Falam sipin hruainak in camhcawhfung zuh in nihin ah an cawkter hna hi a si. Innhmun thar a hmumi hna nih 30 chungah innhmun man an pek lo cun Acozah nih chuh ṭhan le lak ṭhan a si lai.

 

Innhmun thar an hmuhmi man cu Myanmar Economic Bank ah peek le thun a silai. Tutan Falam peng innhmur thar an samhmi cu minung 803 fai nih Ks.5000 dih in innhmur thar hi an hal hna i minung 245 lawng nih innhmur thar hi an co lai. Chirhchan: Falam IPRD

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ?ialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah
pehtlaih khawh peng kan si. Cun, Chin World News Evening kan ṭialmi thawngpang paoh sml 24 a tlin hlan ah mizei hmanh nih copy-paste tuah kan siang lo. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin

Leave a Reply