Malaysia ah inn dot in atla i mual a kan liam taakmi kan farnu Sui Hlei Ṭial kongkau cu a ho cio paoh nih theih dihmi a si. Ramcung ramleng nih kan tuarpinak le kan ngaihchiatnakpinak a lam kip in langhter cio a si.

Mi ramdang Malaysia in Kawlrampi tiang hmanh an phak khawh lioah, amah chuahsemnak khua Thantlang nawlngeitu nih a ruak an kham. Hawi dang bantukin thlanmual hmanh vui ter an rak si rih lo. JCB an hlan i lamkam ah a ruak an rak phumter hna.

Chungkhar hna nih nawlngeitu sinah, a ruak cu Thlanmual ah ṭhial dingin an nawl len hnu hna ceo ah a ruak cu ṭhial a si. A ruak zong, chun hmanh ah lak ter duh loin, zaan ṭim ah lak in an ṭhial ter hna. Hi kong a theimi vialte an lungfak i an ngaih a chia cio. A lamkip in kan ngaihchiatnak le kan tuarnak langhter cio a si.

Tutan zongah hlaphuah a simi le Pathian thawngtha bia aupitu Evan. Van Biak Tluang nih kan farnu Sui Hlei Ṭial philh lonak caah le ngaihchiatpinak caah hla a phuah ve. A hla phuahmi cu’ Kan Dawt Sui Sui’ ti a si i hlasakthiam awṭha Pu Bawi Thiang Bik nih a sak.

A hlasakmi zong video in tlamtling tein ngaih khawh a si. A hlabia von ruah ko ah lungfah a zual i ngaih a chia, lungthin a kekkuai. A tanglei ah a video kan chiah i, ngaihchiatpinak ah Share in bawm cio hna usih!