Evan. Tluang Lian ( Martar) Nih Pathian Nih A Ka Chonh A Timi Cu Dr. Aung Myint Thang Nih Kan Zum Lo’ Tiah Fiang Ko In A Leh

Theihtlei

Evan. Tluang Lian ( Martar) nih Pathian nih a ka chonh tiah tehteh a khan mi kongah Dr. Aung Myint Thang nih ka zum lo tiah fiang ko in lehnak a tuah diam.

Image result for Aung myint thang

Dr. Aung Myint Thang: Keicu ka zum lo. Pathian aw a si ka zum lo. Baibal ah pei a mi thiang hna temtuarnak cu tampi a chim ko cu ziah Baibal vial zum lo in aw vial cu a zumh. Baibal nih a thlen lo ahcun Pathian aw asi le sinlo theihfian lomi aw in i thlen rai a si lo.

Evan. Tluang Lian ( Martar): BAWIPA NIH A KA CHONH: Kum 2000/2001; Johor peng Paka khua ( Malaysia) kan inn hlannak China ( Tuluk) nu nih zu a zuar tikah zan lei chiar kan ding ei lengmang.

Image may contain: 1 person, standing

Nikhat cu zanlei sang ahkhin, ” zeitindah zu hi ka ngol khawh lai,” tiah khua ka ruat i, ” hika zu zuarnak pawng i ka um peng ko ahcun zeitik-hmanhah ka ngol kho bal lai lo. Cucaah Kuala Lumpur ah Rev. Za Thio sinah va kal ning law,” tiah ka ti i lam kam Telephone cun ka hei chonh. ” Ka pa KL ah kai kaa tim i na sinah ka tlung kho hnga maw?” tiah ka ti. “Kawi Tluang, minung kan tam tuk le,’ tiin keimah tu a ka nawl.

Ka lungrawk tuk i inn ngeitu Tuluk nu dawr ahcun Zu langtan tanchin kaa cawk i inn khaan a lawngmi pakhat a um i cuka ahcun, keimah te lawngin ngaihchia ngaiin ka zu cawkmi te cu ka din! Zat ceo hrawngka din cangmi ka zuthol te cu ka zoh i ka mithli a luang. Ka zu thol hram ahcun ka Khuk ka bil i BAWIPA sinah thla ka cam. ” BAWIPA rak ka zohhmanh keimah te cun tei ka duh ko nain ka tei kho lo, rak ka bawm” tiah tawi tein thla ka cam.

Ka cam dih cun ka thu than. Cuti lungkuai ngai i daidup ka thut ko lio ahcun, ka hnu lei hin BAWIPA nih a hun ka chonh i, AW thang nawn, nem ngai tung khin, ” Ka riantuantu hna nihcun nun an sian ning,” a hun ka ti! Aw, Haleluia, ka lawm tuk i ka zu din bang te cu thlalang awng cun lo vurmar in ka hun hlonh. Telephone cun Rev. Za Thio cu ka hun chonh than. ” Ka pa, a tu nai i kan chonh mi kha Thlarau leiin a si,” tiah ka hei ti! Thlarau lei in a si ti hi ka chim thiam balmi a si lo, THIANG THLARAU nih a ka bomh caah mahti cun ruah lopi in ka chim ko!

Rev. Za Thio zong nih lunglawm tein a ka cohlan i, “Thlarau lei in a si ahcun rak kai” a ka ti. BAWIPA nih a ka Chonh thok cun kaa thok i 2001 thawhthan ni hramthok hla kan sak lio bak ah, THIANG THLARAU in Baptist ka si i, KA BAWI JESUH VAILAM CUNG I A THLAI LIO cu ka mit hrimhrim in ka hmuh i Teinak le Lawmhnak lianngan cu ka hmuh. Amen! BAWIPA JESUH cu vawlei hmun tampi ah a mi hna sinah le Muslim, Hindu, Buddhist hna sin zongah aa Langh i a chonh tawn ko hna..

Leave a Reply