Ethiopia Airlines Boeing 737 Max A Tlak Hnu In China Nih Thanhnak A Tuah Colh

World News

Ethiopia Airlines Boeing 737 Max A Tla Mi Kongah China Cozah Nih China Airlines- Boeing Co 737 Max Sinah Hmang Ti Lo Dingin Nawl An Chuah Colh

Image result for Ethiopia Airlines Boeing 737 Max accident

Pathianni-i Ethiopia Airlines, Boeing 737 Max tla i minung 157 chungah hohmanh a nung dam mi an um lo. Ethiopia Airlines, Boeing 737 Max hi Ethiopia in Nairobi, Kenya lei panh in a zuang dingin, Addis Ababa Bole International Airport in a thawh i a thawhnak caan rau lo te ah a tlak hi si. Mah vanlawng ah hin Kenya minung 31, Canada minung 18, Ethiopia minung pakua, China, Italy le US minung pariat cio. cun Britain le France minung pasarih ve ve, Egypt minung paruk, le Netherlands minung panga an i tel tiin airline lei nawlngeitu hna nih an chim.

Ethiopia Airlines hi nikum November thla lawng khan hman mi mi a si i, thla li chung lawng a service manh ti si. Ethiopian Airlines Group CEO Tewolde Gebremariam nih cun zeiruangah dah a tlaknak a ruang timi hi kan thei kho rih lo, A tlami vanlawng hi a tthat pin ah a thar te si pin ah seh thilri lei zongah harsatnak zeihmanh a um lo,”tiah a chim chih.

Image result for china Airlines Boeing 737 Max

Ethiopia Airlines a tlaknak kong he pehtlaiin Chinese airlines- Boeing Co 737 Max hna cu hman rih lo dingin China cozah nih thawngthanhnak an tuah colh ve.

Civil Aviation Administration of China (CAAC) Ca thanh chuah in Chinese airlines-Beoing Co 737 Max hmang ti lo dingin thawngthanhnak a tuah colh ve. Boeing le US Federal Aviation Administration- hna sin ah Beoing Co 737 Max kongah ton biaruahnak an ngei lai i, A him khawhnak dingah biatak tein rianttuannak zong ngeih a si hnu ah hman tthan a si te lai.

Leave a Reply