Khah thazaang pe cio rih hna usih. Zei paoh hi anmah le caan cio an um bantukin a caan te ah kan tuah lo i, kan zoh sawh ko ahcun ni bang an liam ko lai. Chim duhmi cu tutan zongah kan nau zong si i, kan far zong simi Esther nih a lunglawmhnak le hi hnu a caan tangmi chung zuamnak ah nang le kei zong kan ti khawh tawk chuah tthan dingin sawmnak an kan tuah bantukin dawtnak le zawnruahnak he thazaang pe rih hna usih.

Esther: Tu ni tiang thazaang a ka petu Dawtu nan dihlak cungah ka lawmtuk. Nan thlen ti pawt in na ttuan mi chung ten nan kan dawt i, Voting nan ka pek ca zongah lawmh bia chim cawk lo ka ngei. Lai Hritlai uu nau nih nan ka diar pi rih lo ah cun kei mah lawng in ka kal khawh ding lamthluan a si lo zaangfahnak le dawtnak in ka diar pi rih ko uh tiah kan nawl hna. Lunglawmhnak tampi he.

Relchih, Kan Laipa Pakhat nih Esther kong a chim mi cu lung hmui kho taktak. TUAR A HAR KO LAI E: Caṭial rel dih ta loin cun Comment lo hram dingin kan nawl, na Comment danin na thinlung put ning a lang lai. Tuzan Esther a ṭah cu ka rak celh ve hrim lo, miphun dang hna hmai zongah kan miphun holh Laiholh te i ka van ṭah ah khan cun Esther ka uar ning a zual chin tluang dang ram dang in Nu le Pa le U le Nau ngaih a fah zia cu Chinmi hna mi tampi nih cun kan rak theih ciau ko lai, a Nu a dam lomi a ruah pah fawn tik ah cun i sum a har ngai ko lai ti cu 100%100 zumh mi a si.

Esther hi a mawh hrim hrim lo a theithiam ve lomi nih cun a ṭahbek tuk ti in a rak soisel duh tu zong an um len hoi ko lai, a theithiam mi hna ca tu ah cun mitthli rak tlak pi ve nak tu khi a si, a ṭah nak sullam/a ruang a thei ve lomi kan rak um sual ah a tawi nak in ka thiam tawk in ka vun chim lai. Nu le Pa U le Nau um lonak hmun ah Idol hlasak i zuamnak dir hmun sang deuh a phanh hnu tiang zongah a hmun i thazaang rak petu le rak conglawmhtu Nu le Pa U le Nau an um lo tik ah le a Nu a dam lomi a ruah pah fawn tik ah a Nu le a Pa a ngai tuk hna i a ṭah nak chan cu a si, kanmah Laiholh tein a ṭah lio i a chim mi bia cu ka Nu ka Pa kan dawt tuk hna, kan ngai tuk fawn hna.

Thlacamnak in rak ka bawm lengmang ko u mu, kei zong ka si khawh chungin ka rak i zuam ve lai ti hi a chim mi a si, hi bia a chim lio hi hlasak an i zuamnak ah si loin hla an cawn lio le an komhnak Video, hla an sak lai i an piah ta tawn mi ah an vun piah i, cu ka ah cun a hung lang i a chim mi a si. Esther, Idol i zuamnak na caan a dongh tiangin Bawipa nih thinlung pacan khawh nak in pe hram seh law na Nu na Pa na U na Nau na chungkhat vialte hna le na miphun hawi Chin miphun na fans vialte hna nih kan umnak hmun ciau in thlacamnak he kan rak in bawmh ve lengmang ko ti hi rak thei peng law rak philh hrim hrim hlah mu. Tuzan Top-8 hlasak nan i zuam mi zongah Bawipa nih teinak i pe rih hram ko seh, na hawile Chinmi Top-8 ah a tling ve mi hna zong Bawipa nih teinak pe ve rih hram ko hna seh, Chin miphun hna kan caah Arfi ceu dawh bantuk nan si. H. Bawitumthang Thangte