Hakha-Thantlang sin cakuat. Biatak timi cu thuh phung a si lo. Phuan phung a si. Hakha le Thantlang hrinsor pawl hi lung rual a herh bik mi kan si. Peng dang pawl hi cu an mah tawk tein an lung aa rual tuk cang. Tukum Idol nih a langhter ko. Zaw Kee kha nan hmuh ko lai. Mindat le Kanpalet leimi nih an țanh ning hi ti awk a tha lo.

Zaw Kee țanh u tiah cawnpiak zong hau loin pakhat cio nuhrin thluak in an hngalh dih cang. Falam lei zong cu thiam țhiam. Nain kan nih Thantlang Hakha cu fimcuh le țhat cuh le thluak aa karhtermi rel cawk kan si lo. Cu si tikah loh bak pei kan si hi tiah Esther kong ah ca tampi tial a si. Micheu cu a pemh țhanmi an um. Micheu cu Falam nungak pawl comment fakfak hmuh ruangah Ben Ben an dawt tuk cing tein Esther lei ah aa mer mi an um.

A dongh tiangah chimh khawh ve lomi Benamin hmantlak an profile ah a bunh chih mi tete zong an tam ngai rih. Miphun pakhat kan si nak ah kha bantuk chimh khawh lomi zong cu um phung a si ko. Hakha-thantlang hi Khua pakhat ah inndong chungkhar hei si seh law, fanu, fapa tam ngai ngei țung i chimh khawh lo, chimh har, zuangzam le pholsen tam ngai mi chungkhar bantuk khi si dawh kan si. Cu cu tukum Idol nih a langhtermi a si.

Nain fanu,fapa țha kan um zong a langhter țhiam. Falam cu unau aa boh lengmangmi, aa aukhuan hnawh zungzalmi, a buai zungzal mi chung khar, lung khat a phurmi chung khar, nain an nau hniang pa mi dang tongh sual ah i chanh le aukanh a hmang taktak khi an si lai. Benjamin Idol aa zuam ti an hngalh bak in Zahau le hau lo tiah an i seh hnik ve. Nain Esther zong aa tel timi le țihnung cakei a si zia an hmuh bak in an i seh an mak i, Bem Bem an ti dih ko. Esther seh lei in an țang. bao bao bao.

Falam nungak hi tampi a ngei ve mi ka si tikah, an kong ka hngalh ngai cuh. An mino bak nih hin an mah mino lak ah heh tiah nang cu zat in na vote lai tiah man khiah piak an si. Ka nungak cheu khat pawl cu, thong sawm nga, tingkhat te hna a chiah ve mi an um. Nain kei ka nungak hawi le pawl cu comment chiachia ah khan an i tel lo. Mah cu cu Hakha nih kan tuah bak lomi a si. Na lih a ka timi nan um lai nain hi kong ah lih awk a um lo. A chungpi kong tiang ka hngalh nain a dipdiar ka țial ahcun an caah a poimi a si lo nain ka caah a that lo nak a um ve caah mah vial cu si ko seh.

Hakha nih falam kan tluk lo nak hna a tampi, fim cuh a herh nak ah cun i cuh ding a si ve ko. Mah peng minung vote cu a phung a simi a si. Thiam zong, thiam lo zong ah vote phung a si. Cu cu lungrual cu a si.Esther Winner a comi nih a zatawk cun kan lung aa rual ve ko tiah a langhter. Hi Winner a conak i aa tel lomi pawl kha cu Arakan he doh ding Kawl he doh ding, Kala he doh ding ti pawl khi va um seh law, fim cuh bak in a si lo le si lo a phunphun tuah ding nan tam lai a hmel ko khah.

An min vialte chinchiah an phu. Kha tluk Falam lei tamtuk nih Comment chia chia in Halkha e, Esther e an ti ko bu ah Esther lei ah i mer hmanh hngal loin ngong tengtung pipi in a um mi kha, nan kong ruah lo awk tha lo thiam co ter awk nan tha lo nanmah bantuk thiam kan coter hna ah cun Hakha le thantlang a rawk nak sau tuk cang lai. Nain zei poah ah hin zakhat ah zakhat cun kan ti duh nak a si lo. Credit: Sian Bawi