Myanmar Ram Chung Sui Dawr Ngan Bik Hong Tu Esther Dawt Chin Sung. Myanmar Idol (Winner) Myanmar ram chung Sui dawr ngan bik hong dingin an sawm hmasa bik mi le a hong hmasa bik tu Lai/Chin Ngaknu Awtha le Mui dawh “Esther Dawt Chin Sung” hi, Chin Miphun Min that tertu le Hmaihngal tertu a si i, Pathian nih a cawisan mi a si caah Pathian nih a cawisan mi cu Minung zong nih kan cawisan ve ding le kan lawmhpi ve ding hrimhrim a si.

Amah cawisannak le lawmhpinak langh ternak ah Chin News Group kan ngeih mi pawl ah hin langh ter lengmang rih ko hna u sih aw. A neng deuh tu kan rak um sual zongah rak i theithiam hna u sih law, a zoh huam lomi nih cun rak thai lan lengmang ko hna u sih mu. Chin Miphun caah Bawipa nih cawisang chin lengmang ko seh. Credit: Thangte-a Hnialum

Esther Dawt Chin Sung cu amah caah aa zuam I teinak a hmuh caah Chin min a thatter. Teinak a hmuhnak cu Chin min a thatter, nain Dr Sa Sa cu Chin miphun caah a si khawh tawkte in aa zuam i Chin min a ngeihter ve. Dr Sa Sa cu a caan le ngeihchia le fimthiamnak hmangin caan tampi pekin Chin mi caah thiltha tampi a tuah.

Chikkhat ah pumpak hlawknak in miphun min thattertu nain Miphun caah kum saupi hlawknak a rak tuahtu pa cu kan thim deuh tuk awk a si. Esther nih chin min a thatternak cu Kawlram chung(National) si i Dr Sa Sa nih Chin min a thatternak cu International in a si Esther ka ttanh lo i People Choice caah ka uar lo deuh hi ka huat caah silo. Credit:Salai Pa Thawng