Esther Dawt Chin Sung sin ah biacah! Kan fanu Esther Dawt Chin Sung nih 2019 Myanmar Idol Season 4 ah pakhatnak a hmuh mi cung ah lomhnak nganpi kan ngei cio. Hmuhawktlak a si tiah ka ruah fawn. Bia an halmi te te chung in an vun langhter tawn mi ah a chimmi te te zoh tik ah a fiang ngai mi cu: ngaktah, sifak santlailo hna cung ah dawtnak le zawnruahnak pin ah siaherhnak a ngei ti a lang.

Hi kan fanu nih hin kan Chin miphun huap in kan hruai seh law,”Charitable Foundation” nganpi kan dirhpi in kan miphun hawi sifak rethei hna sin ah kan kut kan samh khawhnak cio ding ah a lam pakhat ah ka ruah. Cunka ah cun kan i fun kho dih hna lai ti zong ka ruah.

Kan resource ngeih mi vialte hi kan miphun ca ah thazang pakhat a si zia zong a tutan Myanmar Idol ah hin a langhter tiah ka ruah. Cuticun kan Chin miphun nih “Good Will Ambassador” ti zong in kan cawi San khawh lai. A mah he aa neih deuh le chungkhar cingla rualchan, hawikawm zong nih ruahnak rak pe te uh law tiah kaa lomhpinak langhter pah in. Victor Biak Lian-Ottawa