Chinnu Myanmar Idol Season 4 ah winner a hmuh kho nak? Chin miphun kan si ve caah kan ilomhpi dih lai tiah zuamhnak kan ngei. Zeizong vialte hi Pathian khuakhan lairel an si dih ko khrifah kan zumhnak cungah chia in. Cun a ma nih aa zuam nak zong an si ve i Chin miphun le a fans pawl nih an siang mi chungtein vote an pek nak thawngin zong a si ve ko.

Nain cu nain a biapi bikmi cu 1. Kan pupa nih an chimh tawnmi cu “thil na dawt ahcun thil nih an dawt ve lai ” ti kha asi. Hihi bia sawhsawh si hrim hrim lo an chimh du mi a um. Cu thil nih na caah thatnak an chuah pi lai ti khi si. 2. Na tuan mi rian na dawt ahcun rian nih an dawt ve lai ti si ve Cu rian nih na nun an cawm lai. Nihin Esther Dawt Chin Sung a voikhatnak Myanmar idol Waiting Card a ngah lio ah khan a tap a mitthil he aa ciah a thinlung a kuai, Kha kha nihin a theipar cu an si ko. Ref: ChinLautunews

Esther Dawt Chin Sung Ka Lawmhpi Tluk Tein Salai Lairamthang Hi Ka Upat Bak Ve. Tutan MMID Season 4 cu Chinmi chung in Esther Dawt Chin Sung nih teinak (winner) avon hmuh cu miphun dirhmun in ilawmh lo awk aṭha loh. Chin miphun nih tuanbia thar kan ṭial asi. Hmuhning, cuanhning le ṭanhmi cu idan cio rai si. Mahbelte teinak ahmumi hna cung ah lawmh le sunghnak ahmumi hna cung ah thazaang pek thiam belte biapi ngaite.

Tutan MMID S-4 cu ai phundang ngai – zakhat ah zakhat (100%) bakin voting system an tuahmi ah an ihngat. Cucu leklak tiah kan u Salai Lairamthang (U Htun) nih Esther DCS avon dirkamh cawlh. Cheukhat le bang nih cun tukha molh le hruh rumro ah aruatmi zong an um. Nain ngol bak loin adirkamh chih peng. Top 4 performance zaan le bang kha cu kan U Htun (Salai Lairamthang) hi ai chawhsual cang ko lo maw titiang in keimah lila zong nih ka ruah hruphrap manh ve. Nain angol hlei loh. Adirkamhnak degree asanter chin lehlam. Adonghnak ahcun winner (teinak) avon hmuh taktak. Esther DCS hi minung tampi nih an dirkamhnak hmuh len awk in facebook cakuang ah kan hmuh len hna. Nain ahrampi taktak cu kan U Htun (Salai Lairamthang) asi tiah kei cu ka chim ngam bak. Kan U Htun (Salai Lairamthang) hi tutan Esther DCS nih winner avon hmuh in ka upatnak degree asanter chin lengmang. Cucu aruang um ve;

2015 kum Kawlram pumpi thim lio ah adirkamhmi party nih teinak an rak hmuh. Cun US ram pumpi thimnak tuah lio ah adirkamhmi party nih teinak an rak hmuh. Naite Australia thimnak an tuah lio zong ah adirkamhmi party nih teinak an hmuh hoi. Cu lawng hlah, Chin person of the year lio zong ah adirkamhmi nih teinak ahmuh fawn. Tutan MMID S-4 ah le asi fawn hoi. Tulio US ah alinsa ngaimi Donald Trump impeachment an tuahnak kong ah Donald Trump adirpi. Hi zong hi senate ah Donald Trump nih teinak hmuh dawh in alang.

Tuan deuh Chin person of the Year lio ah kan U Htun (Salai Lairamthang))nih hat-trick ahmuh tiah ka rak ṭial. Tu ahcun double hat-trick hmuh dawh in aum cang. Hmailei zuamcawhnak phunphai ahcun U Htun (Salai Lairamthang) nih adirkamhmi paoh ah ifut ve dawh in ka um cang. Tutan MMID S-4 le bang cu khur chung ah atla cangmi avon chuah ṭhan tluk bakin ka ruah. Hmailei ah Salai Lairamthang Prediction method ti phun in cauk chuah hmanh ahaute lai. Credit: Lian Bawi