Esther Dawt Chin Sung Nih Aye Mya Phyu A Saduhthah A Tlamtlinhpiak Amah Bak Nih A Chim

Hmuhning

Myanmar Idol Season 4 Grand Final tiang a phanmi Aye Myo Phyu nih Winner a U asimi Esther nih Pakhatnak (Winner) a ngah ruangah a lunglawmhnak le a diriamhnak fiang tein a chim phuan dih. Aye Mya Phyu nih a chim vemi cu ” Grand Final kan dih khawhmi cu ka lawm ngaingai. Zeiruangah dah ti ahcun a karlakah dam loin sii ka ding pah lengmang. Curuangah tluang tein kan dih khawhmi cu ka lawm tuk. Cun hla pathum zong ka sa kho suallai lo ti ka phang tuk nain tluang tein ka sak khawh ruangah ka lawm tuk hringhran.

Image may contain: 1 person, on stage

“Esther nih Winner a hmuhnak kongah cun nu nih pakhatnak laksawng ngah usihlaw tihi ka chim lengmang bangin amah nih pakhatnak a ngah caah ka lawm tuk hringhran. Amah zong a lawm tuk ve lai. Keimah zong hmai ka fong chinchin lai thazaang kan pe ko rih ulaw tiah kan sawm duh hna. Idol i na zuam ding a si ahcun a herh bikmi cu soisel thangchiatnak na tuar khawh ding lawngah i zuam.

Image may contain: 1 person, smiling, standing and nightImage may contain: 1 person, smiling

Zeiruangah dah ti ahcun soisel thangchiatnak na tuar khawh lo ahcun hna beidong in na um lai i na caah a ttha lai lo. Asinain cubantuk thil hna cu na tuar khawh ding ahcun i zuam ko. Hibantuk zuamnak ahcun soisel thangchiatnak zong a um peng. Asinain kanmah zong zei ah rel loin line kan hman lo caan a um. Thazaang a kan petu mipi kan cungah an diriamh i an i lawmh ahcun kanmah zong kan di a riam ve i kan i lawm ve.” tiah a chim ve.

Leave a Reply