Tukum Myanmar Idol Season 4 zuamnak cu a donghnak lei kan panh chin lengmang cang. Atu hin cun Grand Final an i zuam cang lai. Kan miphun chungin minung pahnih nih Grand Final tiang an kan phak piak khawh caah lawmh a um taktak. Miphun hmaingaltertu taktak cu an si.

Teinak an hmu khawhnak hnga mipi zong biatak tein ttanh ka lak i kan thazaang kan chuah a herh cang. Benjamin Sum le Esther Dawt Chin Sung hi kan thleidan hna awk a si lo. Benjamin Sum kan ttanh bantuk tein kan ve ding a si i Esther Dawt Chin Sung kan ttanh bantuk tein Benjamin Sum zong kan ttanh ve awk a si.

Esther Dawt Chin Sung nih a fans pawl sinah a biachimmi bia kan vun chiah chih. “Pathian dawtnak le velthawng, chungkhat dawt tu, We Love Group, pumpak in dawt tu, le ramchung ram leng um dawtmi vial te hna; nan tha pek nak, nan kutcak in nan ka dir pi nak, nan retheih in na kawlmi chung in vote nan ka pek nak le, keimah ca lawng silo in miphun dawtnak tel bu in, kaa zuam nak le ka hlasak nak chung ah hi tiang nan ka phak ter caah kaa lawm tuk.

Pathian zong a min ka thang tthat. Nan mah tel pi lo nak in tei khawh mi le phak khawh mi asi hrim hrim lo. Ka thazang le ka ruahchan nak nganbik nan si ko. Grand Final asi cang i, nan tha pek nak le bomhnak tampi ka herh rih- ka si khawh tawk in kaa zuam rih lai, dawt tu nih nan ka tel pi peng nak lai toidornak in kan sawm tthan hna”. Esther Dawt Chin Sung