Esther Sung Sung kong ah: Minthang le milar zong hi a rak hngal lo tawk um tawn a rak si ruangah a tawinak tein seh. 2017 Chin Idol kan tuahmi ah Sung Sung hi Idol co tu cu a si. Laimi vialte kan Idol pakhat a si kan ti lai cu.

A tu hi Kawlram pumpuluk Idol ah a kan zuam piak lio a si rih. Top Ten ah a luh khawh lawng a si loin Mipi uarnak Vote tam bik in a hruai lio hna a si. A tu pin cu Judge pawl bia khiahnak in a kal ti lai lo. Mipi vote khan kai chin lengmang a si cang lai. Chin Idol pakhat a si cangmi hi Myanmar Idol si zong a tlak bak ko ti kha mipi tam deuh nih cun rak ruah cia khi a si ko. Cu nih cun Laimi kan men lo nak Lungput dawh a langhter a si.

A mah Sung Sung zong hi Chin Idol pakhat a si mi nih Myanmar Idol in ka tlak sual ahcun Chin Idol limhaang a zor sual lai ti a phan ngai caah fakpi in aa zuam cuahmah lio a si. Chin Idol limhaang cawi a duhnak hmuh tikah a lungput dawh zia a lang. Kan mah zong nih kan upat piak ve a hau ti cu kan theih ciomi a si ko lai. Nichuah, nitlak Laimi umnak ram vialte ah hlasak le concert, show timi a phun phun ah sawm zungzalmi a si.

A aw, a zai hmang in Lai mi caah fak piin rianțuanmi a si. Sung Sung hi a mar zong a zaang i tlik, per, tibantuk zong hi a țhawng ngaimi a si. Umtuning cang zong a thiam tuk mi, biachim holh rel hrim cu tlangval cheu khat caah cun a kan uar rua maw ti awk khi a si nain kha kha an uar hna si loin mi chawnhbiak a thiam bia le a lungput that le toidor bia tu a rak si deuh.

Laimi lawng nih maw kan uar tiah Kawl le Tlangcungmi dang nih an rak uar deuh rih. An Video pawl zoh tik ah Hawi dang ting khat hnih lawng an ngeih ah Sung Sung cu Views ting li ting nga a ngei mi a si. A lam tluang ko seh. Credit: Siang Bawi