Ester Dawt Chin Sung Sin Cakuat

Music and Videos

Ester Dawt Chin Sung Sin Cakuat: Teinak le hlawh tlinnak Na hmuh mi ruangah kan rak in lomh pi, tuzaan cu lunglomhnak mitthli a tlaa tthan mi cu lawmhnak mit thli a si caah lung a tling tuk.

Image result for Ester Dawt Chin Sung"

A taang rih mi caan ah special deuh in rak kan zuam piak rih. Naa thim ding mi hla hi a biapi tuk lai, a bia siseh hla aw kal ning siseh nangmah aw le nangmah nih palhnak um lo in na sak khawh mi a herh cang.

Image result for Ester Dawt Chin Sung"

Hla thim i palh lo le nangmah aw nih a phaak khawh mi kha ttha te in rak I zuam dingin tha zaang pek kan in duh. A dongh tiang teinak na hmuh khawhnak hnga Pathian nih lam in hruai ko seh. Ref: TCO..Tuzan a saknak video kan rak taarchih. A tangbik ah um lai.

Relchih: Kan Fale Hi Lunglawmhnak Biachim Cawnpiak Lengmang An Hau: Rev. Billy Graham: Kan fale cheukhat cu lunglawmhnak biachim an thei lo. Lunglawmhnak biachim hi an theih awk hrimhrim a si. ‘Kaa lawm’ ti a thei lomi nih cun an cawn hrimhrim awk zong a si. Lunglawmh biachim a thei lomi cu a hnuah mah zawn lawng aa ruatmi an si lai; a nunchung hrimhrim zong an thei thai lai lo.

Kan fale nih laksawng an hmuh tikah lunglawmhnak biachim an theih ding a si; midang nih thil a thanh hna tikah kaa lawm ti an theih ding a si. Caan pek zong in kan fale hi lunglawmh biachim kan cawnpiak hna ding a si. Midang nih kan caah thil tha an tuah tikah kan lunglawmhnak langhter hi a biapi tuk.

Lunglawmhnak biachim hi phung zong a si lo; thatnak zong a si lo. Midang nih a kan dawtnak cungah lunglawmhnak langhternak lam pakhat a si; minung a kan cawisangtu lam pakhat a si. Bible nih cun ‘mah zawn ruahnak in zeihmanh tuah hlah u …toidornak tu in midang kha nanmah naak in cawisang deuh hna u’ a kan ti (Fil 2:3).

Chimh kan duhmi hna cu kan fale nih hin kan chimhmi chung zong in an cawn i, kan tuahsernak cung zong in an cawn. Na nunnak hi lunglawmhnak le thangthatnak in na langhter lengmang kho maw? Ni fatin in na nunnak ah hin lunglawmhnak taktak he na nung kho maw? Bible nih cun ‘zei thil kip ah Pathian lawm u’ a kan ti (1 Thesa 5:18).

Cucaah nan fale hi lunglawmhnak biachim cawnpiak lengmang hna u. Thil fate a siah thil ngan a siah midang sinin an hmuhmi kip ah hin lunglawmhnak biachim thiam hna seh law an nunnak hi Khrihfa nun ziaza dawh in a thangmi si hna seh. Pathian nih a Fapa Jesuh Khrih a kan pekmi cung hrimhrim ah lunglawmhnak chim lengmang hna seh. Khrih hi nan chungkhar nunnak laicer ah chia zungzal u tiah forhfial kan duh hna. Ref: Billy Graham.

Myanmar Idol top 11 final list ah Esther Dawt Chin Sung aa tel

Posted by The Chinland Post on Friday, 25 October 2019

Video- Credit: The Chinland Post

Leave a Reply