Nizaan, 27 January ah kan unau a simi Tedim lei nih ani bochan ngaingaimi cathiam taktak a simi tlangval Dal Mun Mang cu Motorcycle in accident/vanchiatnak a tong i a nunnak a liam i a thihning kongah mi tampi an ngaihchia i an lungfaak bia hman/biadik lang seh ti an duh.

Zeiruangah dah ti ah cun, tlangval Dal Mun Mang cu January 26 zaan suimilam 11:30Pm hrawngah vanchiat ah motorcyle accident a tong i Kalay Pituh siizung ah tlikpi cawlh a si. Sizung ah a kalpitu hna hi palik nih an si nain vanchiatnak atongmi chungkhar hmanh minttialtu an um lo ruangah tlangval Dal Mun Mang cu 27 January, zinglei suimilam 10 tiang chiah a si. A hliamhma an tuampiak i ttha tthi in an zohkhenh lo. Zaan zongah puan an aihter lo i pawngkam dam lo, mizaw hna nih an zaangfah tuk ruangah an puantu an aihter.

Tlangval Dal Mun Mang cu thisen le hnai in a khat asinain a chungkhar pehtlaih khawh an si lo ruangah conglawmhtu zong a ngei lo i mizaw min ttialnak lawngah ttial a si i a thaizing zinglei suimilam 10 hnu lawngah siibawite nih an tuamhlawm hi a si. Cuticun. 27 January ah a i hliamhma cu tuar kho ti loin a nunnak a liam hi a si.

Atu ah, Kalay Technology Sianginn i sianghngakchia pawl an lungfak an lungtling lo tuk. Cu lawng si loin Zomi Mino phu hna zong an lungtling lo i an lungfak ngaingai. Kalay Pituh siizung cu faak taktak in mawhchiat a tong i zeitindah a miphun hawi hna nih an kar an hlan te lai ti cu theih a si rih lo. Mumung Thangman