Emergency level Kan Phan : Dallas/Lewisville Um Iralrin Deuh Kan Hau. Tuhrawng hi DFW area Covid-19 in a zawmi Laimi tam deuh ngai asi. Sherman khua um Tyson ah mah zawtnak nih biatak tein a tlunh cuahmah lio hna tiin theih asi. Sherman khua um Laimi atlawmbik minung (3) cungah mah zawtnak an hmuh hna. Cun inn ah amah tein a erhmi le zawtnak chekding in timtuahnak a ngeimi zong an tlawm lo tiin theih asi.

Dallas um Tyson riantuan Laimi chung zongah atlawmbik minung (2) hi mah zawtnak phun pawl cu an pum cungah a lang. An mah zong an ichek ve hnik. An si tak maw/lo ti cu fehter khawh asi lo nain mah zawtnak phun in an zaw caah le Tyson tuanmi an si caah mah Covid-19 zawtnak nih tlunh ve dawh ngai an si.

Theihmi hmanh mah zat an si cang caah iralrin deuh ngai kan hau. Abikin Tyson riantuanmi hna cu inn ah ierh siloah midang lenkai rih lo dingin a tha. A ruang cu Covid-19 zawtnak nih biatak tein Tyson riantuannak ah a tlunh cuahmah lio hna asi caah asi.Atulio DFW dirhmun hi emergency dirhmun ah kan phan tiin ka hmuh. Credit: Salai Z t Lian