Vawlei mipi a kan that cuahmah tu coronavirus ruang ah mi vialte nih lungretheihnak zawtfahnak le thiahnak tiang ton cuahmah a si. Hi chung vialte ah hin President Trump lungretheih hi dah a faak bik lai. Mi fanau thlacam lawng a rian ve ko. Tuzing ah video tawite in mipi sin ah biachimnak a ngei. Vawleicung ram tampi hna le US khuapi tampi hna ah zawtnak a ngeimi hmuh chap lengmang an si ko rih. Hi zawtnak dohnak ding caah hin mipi he neihniam in tthutdirlo (social distancing) hi a ttha bikmi a si ti vial dah lo cu hmuhchuah khawh taktakmi a um rih lo. Hi zawtnak ruang ah hin minung 110,000 paoh nih cun an nunnak an caan cang.

Vawleicung ah US hi a thimi an tam biknak ram kan si. Center for Systems Science and Engineering at Johns Hopkins University hna nih an thanhning in hi zawtnak ruang ah hin US minung 20,602 renglo kan thi cang ti a si. Minung 2.6 cung ah hneksaknak tuah a si cang i cu chung ah minung 530,000 hna nih zawtnak an ngeih cang tiah an chim.

Kan hnu December thla ah China in ai thokmi zawtnak COVID-19 hi vawlei pumpi ah minung 1.79 million renglo sin a phan cang. A ngaite ti lebang ah cun hi nak in an tam deuh lai tiah zumh a si. Zawtnak an ngeih le ngeihlo hneksaknak tuah khawh lomi hna le ram cheukhat nih a sining taktak in a chim duh lomi zong an um lai ti ah ruah a si rih. Ref: ABC News