Thawngpang ṭha tuk vun theih hi cu lungthin hrimhrim a nuam dam in a nuam tuk ee. Dr. Van Ram Uk le nupi Sayamah Sa Lian Kai hna cu an ngandamnak zong a hung ṭha ngaingai an ṭhawng an ṭhawng tuk cang. An rawl ei ka te zong a thaw ngai tiah thawng kan theih. Dr. Van Ram Uk te nupa hi a tulio zawtnak Covid-19 zawtnak in a zawmi an si i damnak hmu in sizung in a chuak cangmi an si.

Sizung an chuah ka ahcun an thazaang zong a hung der pah i an rawl ei ka zong a thaw pah lo ti a si. Asinain caan a hung kal deuhdeuh i atu ahcun an thazaang zong a ṭha ngaingai cang. An rawl ei ka zong a thaw ngai cang ti thawng kan vung theih ṭhan hi lawmh a um tuk hringhran. Dr. Van Ram Uk te nupa zong taksa ngandamnak taktak an hmuh i arauh hlanah Pathian thawngṭha bia zong a kan chim/cawnpiak ṭhan khawh zau nakhnga thlacamnak in bawm cio hna usih!

Dr. Van Ram Uk te nupa kong cu Nu Par timi nih hitihin a ṭial “Haleluijah. Zapi nih thawngpang theih lai kan i ngeih tukmi, Ka nu Sayamah Sa Lian Kai le Ka pa Rev.Dr. Van Ram Uk te he phone kan i chawn kho an dam lo hnu ka voikhat an aw ka theih si le a lawmh zia hmanh ka thiam lo Bawipa na cungah kaa lawm tuk e. Zumtu dihlak nan thlacam bawmhnak thawngin an dam ngai , an thawng ngai , an rawlei ka zong a thaw ngai cang ti thawng kan thanh hna e. Arauh hlan ah Live in zapi nih an Thawngtha kan theih khawh zau nak hnga thlacam cio rih ko usih,” tiah a facebook cahmiah aṭial.