Admin||04 Vaupi 27-2020|| Lunglawmhawk ngaingai a si. Myanmar Chin State, Paletwa Township ah Myanmar ralkaap le Arakan Army pawl tukkahnak ruang le Covid-19 ruang ah harnak a tongmi hna cu Lailenpi nih an bawmh hna tiah thawng kan theih. Lailenpi nih an bawmhmi hna hi Covid-19 zawtnak chung in i runvennak thilri pawl hna an si.

Hi an bawmhmi hna thilri pawl hi a man in tuak ah cun MMK 8162000 man bak an si tiah an chim. Bawmhmi thilri pawl hi IDP Camps hna ah chanh an si.

Camps ah hin ralzaam minung 3000 dengmang khua an sa hna. Hi ralzaam pawl hi an umnak khua cio ah tukkahnak a um caah an khua chuahtaak in hi bantuk in himnak kawl in a zaammi an si hna.

Myanmar nitlak lei Chin State thlanglei kam ah a ummi Paletwa Township ah hin mipi nih intuar awk tthalo in Myanmar ralkaap (Tatmadaw) pawl le Arakan Army (AA) pawl cu an i kaap lengmang ko.

Cu bantuk in raal tukkahnak ruang ah harnak a tongmi mipi hna cu caan tawite chung ca siseh caan saupi chungtiang in bawmhchanh an herh hringhren ko. Hi hmun ah daihnak a len khawhnak hnga thlaza campiak cio hna u sih. Na ngeihchiah chawva zing an herh hrunghren ko. Dr. Sasa