Dr. Sasa nih kan farnu Mai Sui Hlei Ṭial cungah Thantlang Cozah an cawlcangh a celh ve hrim lo

Chin News

Malaysia ah ummi Mai Sui Hlei Ṭial cu September 29 ah inncung in ruah lo piin a tla i a nunnak a liam. A ruak cu Malaysia in Kawlram ah kuat a si i, Thantlang tiang a ruak phanmi a si. Asinain, Thantlang khuachung ah luh an sianh hna lo.

No photo description available.

Chungkhar lei zong nih mipi sinah fiang tein an tonmi thil kong he pehtlai in mipi sinah fianternak an tuah cang. Atu bantukin Thantlang nawlngeitu nih Mai Sui Hlei Ṭial cungah an tuahmi thil cu aho cio hmanh nih an duh cio lo. An ngaih a chia tuk cio.

Image may contain: 1 person, selfie and close-up

Thantlang cozah nawlngeitu hna nih Mai Sui Hlei Ṭial le achungkhar cungah an tuahmi thil kong he pehtlai in Chin miphun nih kan ibochan tukmi Dr. Sasa zong a celh ve hrim lo. Mai Sui Hlei Ṭial cungah a cangmi thil kongah a ngaihchiatnak le tuarpinak cu a tanglei bangin a langhte ve.

Image may contain: 1 person, flower

“A kan liam taakmi Mai Sui Hlei Ṭial le a chungkhar hna kan tuarpi tuk ve hna. Hi bantuk ngaihchiatnak kan tonmi hi ka chim fiang kho lo. Pakhat kan sungh hi Chin miphun caah a fak tukmi a si.

Image may contain: 1 person, close-up

“Chin mipi nih Covid-19 kan tih tuk raungah mah bantuk tiang a phaknak a si. Nain, Mai Sui Hlei Ṭial cungah a tlungmi cohlan khawh lomi a si lo. Cun, hi thil a cangmi dothlatnak tuah hrimrhim a hau. Asinain dawtmi Chin miphun hna ngaihthiamnak cu a muihnak ah ceunak tu luanter hna usih. Pathian in sin a rami hnemhnak le hnangamnak cu tiva bantukin ngaihchiantak a tuarpi chungkhar cungah luang ko seh.

“Atu ahcun Mai Sui Hlei Ṭial cu hmunṭha, hmun nuam ah a um cang. Vanchung ah kan hmuh than te lai. Zaangfahnak tein a chungkhar sinah pakhatkhat nih ka tuarpinak hna i nan ka chimh piak khawh ahcun ka lawm taktak lai, tiah Dr. Sasa nih a ngaihchiatnak a langhter ve,”tiah a chim.

Note: Dr.Sasa nih a chim bantukin, Mai Sui Hlei Ṭial a chungkhar neihniam a theimi nih an sinah, Dr. Sasa nih a ngaihchiatpi hnanak le a tuarpi hnanak kong a ṭialmi Share nan tuah piak nak lai kan in nawl hna.

Leave a Reply