Naite ah, Salai Zing hmuh timi nih amah pumpak facebook cahmai ah, Dr.Sasa konglam a taarmi cu hmuh cio a si. Cun, Dr.Sasa nih amah pumpak facebook cahmai ah pumpak thangchiatnak le soiselnak biachim le thlahzamh ngol cang hna usih tiah a taar ve.

Dr.Sasa, “Ka dawtmi ka miphun hna, zaangfahnak tein a dik lomi thawngpang le pumpak soiselnak, thangchiatnak le huatnak biachim hi ngol cang hram hna uh. Pathian nih kan miphun le kan ram thluachuahnaktu kan pe ko seh,” Dr.Sasa nih amah pumpak ah a taar hi a si.

 

Dr.Sasa,“Ka min kongah va buainak ding ruang ka ngei lo. Asinain, ka dawtmi ka miphun hawi hna le ka ram caah cun buainak ding tampi ruang ka ngei. Kapi nih Sasa tiah ka min a ka sak. A sullam cu “Sang chin chin in” tinak a si. Ka min cu Sasa a si i, Sasa ka si zungzal lai. Pathian nih ka dawtmi ka miphun hna le ka ram thluachuahnak pe ko seh,”Dr.Sasa nih amah pumpak ah a taar hi a si.

Salai Zing Hmuh nih Dr.Sasa kong a ṭialmi (Dr.Sasa kong timi hmeh piak) law rel khawh a si lai.

Thawngpang dang rak rel chih-Nizan CBN in Pi Sui Chin nih Pi Cherry Zahau bia a ruahmi ka zoh ve i a bia a fak ngai. Dr. SaSa zong fak ngai in a ṭhuat. Pi Cherry le a ṭuan hawi hna nih Dr Sasa cungah an lungput biathli a pholang lawlaw. (Ahodah a dik. Ahodah a diklo timi ka thei hna lo. Asinain laimi nih “Keimah ttuanmi/ kanmah tuahmi” tiah thil ti khawhnak/credit an icuh tukmi belte cu a nauta ngaimi lungput ah ka ruah)

Dr Sasa cu NLD a von luh hnu in biatak tein doh le thlak a tong. Dr Sasa nun ahhin Keicu Pathian thatnak lawngte ka hmuh. Nihin a dirhmun a phan hi Pathian nih Joseph bantuk in a umpi i lam a hruai caah a si tiah ka zumh. A ṭuanmi le a tuahmi hna hi midang caah ṭhatnak lawngte an si.

Dr Sasa a pa hi Pathian nih pekchanhnak kong chim ah laksawng a pekmi Evangelist a si i a chan lio ah Pathian nih a hman ngaimi a si. Dr Sasa nun le sining zoh ah khuaruahhar in ṭhatnak le hlawhtlinnak nih a tuam hi a pa thlacamnak a si lai tiah ka zumh. University kip i biachim an sawm khi a testimony in thazaang ilak cio awk ah an sawmmi a si. Hmailei a nun belte zeidah a lawh te hnga.

Dr Sasa nih a chimmi bia, policy le a Vision kong ah mature respect he a diklo tiah an al i critics an tuahmi khi aa dawh ngaimi biaruah/discussion a si tiah ka hmuh. A ṭha ka ti. Asinain a nun, a character le a riantuannak hrawh le thlak (charecter assassinated and destroy) an tuahmi belte cu a poi ka ti. Caṭialtu: Zasag Cinzah