Tutan ah Mara ah Pathian an thangṭhatning vun zoh cu lung a hmui tuk hringhran. Dr. Sasa zong a nuam takatk ve a lungthin dihlakin Pathian a thangthat ve. Dr. Sasa hi akonglam tampi chim len hau loin kan theih dih ciomi a si. Pathian aa bochan taktakmi le a ṭih taktakmi a si i a nun hi cawn awk tlak taktak a si. Mi tangah aa dor i ram le miphun caah biatak tein rianṭuanmi asi. Pathian an thangṭhatnak video zoh khawh a si. Video timi hi rak hmet law a video zoh khawh a si.

Dr. Sasa a konglam tawi rak rel ve chih: Dr.Sasa hi Laimi tamdeuh nih cun kan theih dih lai dah. Lairam caah a si khawh chungin a cawlcangmi a si. Dr.Sasa nih achuahkehnak a chim ningah cun, amah hringtu apa pa hi Hakha chuak a si i hringtu anu lei tu hi Zophei a si tiah a chim.

Sasa apu cu Mara ram leiah khuasa in a um ruangah nihin ah cun Laimi cheukhat nih midang pi ah aruatmi kan tam. Achuah ni thla zong aa thei lo. Anu nih achuah ni thla achim ningah cun, nangmah cu zingka ruahsur lio ah na chuak tiah kanu nih a kati a si. Cu caah kei ka chuah ni thla cu zingka ruahsur lio hi a si ati. Dr. Sasa nih zeitlukin dah Chin ram hi a dawt timi cu chim haulo in atuahsernak in alang dih ko.