Dr.Sasa fanu: Kapa na lungdong hrimhrim hlah mu tiin a pa thazaang a pek zungzal

Chin News

Atu lio Myanmar rampi chunmui a tlung cuahmahmi cungah a sining le aruahnak dihlak le a thazaang dihlikin miphun caah rianṭuantu le myanmar buainak kong ramkip ah le UN hna sinah thil sining a chim lengmangtu Dr.Sasa cu a chungkhar hna caan hmang an ṭi kho lo i online in an i chawnh caan ah afanute nih a pa caah thlacam in kapa nan lungdong hrimhrim hlah mu tiah thazaang peknak a ngeih tawn tiah theih a si.

Dr.Sasa i a nupi le a fale si hna seh, a chungkhar sahlawh rualchan si hna zong Dr.Sasa ruangah an him lo ngai i nihinni tiang cu an cungah zeihmanh a phan in a tlung hraw rih lo i khoika hmun ah dah an um ti zong felfai tein theih a si rih lo. Amah Dr.Sasa zong khoika hmun taktak ah a um timi mipi sinah chimnak a ngei ve rih lo.

Dr.Sasa Le A Nupi Dr. Mary In Fanu An Nei - Meifar

Myanmar ram buainak ruangah Myanmar ralkap pawl cawlcanghning diklo tuk le chiahru tuk cu ramdang Court (biaceihzung) ah le UN leiah a si khawh chungin thawngthanhnak a tuah lengmang hna i UN le ramdang hna an cawlcangh lo cun Myanmar ralkap hna hrem an si khawhnak hnga a lam kip in a cawlcangh a tim ti a si.

Dr.Sasa Le A Nupi Dr. Mary In Fanu An Nei - Meifar

Atu bantuk caan lioah a chungkhar a nupi le fale he online in an i chawnh fatin te a fanu upa deuh nu nih online chung cun thla a cam piak tawn i kapa na lung dong hrimhrim hlah u mu tiah thazaang peknak le forhfialnak a ngeih zungzal tiah theih a si. Hibantuk caan lungrethei vansang au in a um lioah fanu nih atu bantukin hnemhnak le thazaang apekmi zoh tikah lung ahmui i lung ahno khun. Bawipa nih an chungkhar veng in amah zong a rianṭuannak ah umpi zungzal ko seh.

Ngaihchiatnak thawng- March 18 tuzing suimilam 5:34 Am hrawngah tlangvaal Ngun Nei Luai nih ruah lo piin mual a kan liam taak tiah theih a si. Salai Ngun Nei Luai hi pawpi a fah raungah aluancia kum 2020 November 10 ah sizung ah kalpi a si i cuticun sizungah thlopbul si. Asinain a pawpi fahnak a sauh tuk cang ruangah dam lei panh loin zual leitu a panh deuhdeuh ti a si.

May be a close-up of 1 person

Sizungah aa thlopbul aa zohkhenh hnuah kan chim cia bangin a pawpi fahnak a rak sau tuk cang ruangah dam lei (ṭhat lei) panh loin, dam lo lei tu (a zual deuhdeuh) a panh deudeuh tiah a si. Asinain, lungdong tein cuticun rak zohkhenh le thlopbul a rak si.

Malaysia ah a ummi a u le nau chungkhat pawl nih sizungah le inn leiah an si khawh chung in thlapa thla 4 chung an zohkhenh an tuamhlom le an thlopbul hnuah a taksa nih tuar kho ti loin tuzing suimilam 5:34AM tluk hrawngah vawlei harsatnak ram kal taak in a kan dinh tak cang ee tiah theih a si.

Salai Ngun Nei Luai hi Malaysia ah rianṭuan dingin kum 2004 kum ah a rak phan cangmi a si. Malaysia a umnak zong a caan sau ve cangmi a si. Tutan atu bantukin mual a kan liam taak cu kan ngaih a chia tuk hringhran. A ruak ṭhutpi ding le vuining cang cu a u le nau chungkhar nih anmah nih a ṭha an ti ning in Community (FPM-FRO) le a khrihfabu a umnak LCF he tawlrelṭinak kan ngei te lai. Tantaakmi chungkhar Bawipa nih hnem hram ko hna seh! Chirhchan:FPM-FRO

Leave a Reply