Dr. Sasa Caah Theih Nuam Lo Thawngchia Si Cang

Chin News

Laimi tampi cu khuaruah har taktak kan si ko. Tulio rampi an kan hiptu le tlaitu a si mi 2008 phunghram zong voikhat te hmanh rel bal lo, zeidah aa tial timi theih lo bak in politics kong te hna timeline ah vun tar ve hi cu ningzak zong a si. Kawlram ramkhel kong kan tial lai ti ahcun a niambik ah 2008 phunghram te tal hi cu rel ta ve hrim ding a si nain.

Dr. Sasa, Health and Hope | The Eric Metaxas Radio Show - YouTube

Refugee kong heh an tial i zeitin dah Refugee i lak ningcang ti zong an thei hui lo, Kawlram politics kong heh an tial i 2008 phunghram zong rel lo, mi mak ngai kan si tiah a tarlangh hmasa. Dr. Ngun Cung Lian tluk in Laimi lakah 2008 phunghram a rel mi le a thei mi an um lai lo. Byheart hmanh in a theih dih ti awk a si.

A ruang cu 2008 phunghram Dal zeizat, Biatlang zeizat a um ti tiang in a theih dih. Cu caah Dr. Sasa hi Vice President a si kho timi bia hna biatak tein timeline ah an tial i website nih an share piak chin hna khi cu Dr. Ngun Cung Lian cu a nih a chuak tuk lai. 2008 phunghram nih Vice President kong zeitin dah a tial? A taang ah screenshot zong in kan chiah chih i mirang a thiam mi nih rak rel chap ve uh.

“Myanmar ramkomh Vice President cu a tlawmbik ah kum 45 a si hrim lai ti a si. Cun Myanmar ramkhel, economic le ralkap (Military) lei ah a za tawk in theih hngalhnak a ngei mi a si lai ti a si. Cun a biapi ngai ah an chiah mi cu Ramkomh Vice President cu a pehpeh in Kawlram ah kum 20 tal a um mi a si lai, A luancia caan in Vice President nominate a si tiang a kum zoh in Kawlram ah a pehpeh in
kum 20 a thudir maw ti hi asi.

Cun a nupi, a pasal ti bantuk hi ramdang minung an si lai lo ti a si fawn”. Fact check: Dr. Sa Sa hi kum 45 a tling rih lai zumh a si lo. Cun kum 2013 lawng ah Kawlram a rak lut mi a si i zeitin hmanh in kum 20 chung cu Kawlram ah a pehpeh in a um rih lo. Ramdang sianginn a kainak ramdang a rianttuan le cawlcangh nak hi Kawlram passport te in rak si sehlaw a poi tuk hnga lo, India Passport in a rak si diam fawn.

A nupi hi Mara a si ko nain Mizoram ah a chuak mi, Mizoram sinak a ngei mi a si fawn ti a si. Cu caah 2008 phunghram ning in cun Dr. Sasa cu Vice President ding ah a qualify lo timi cu fiang tein a lang mi asi. 2008 phunghram zong theih lo, rel bal lo ahcun biachim sual a fawi caah siaherhnak he kan tarlangh. Laaknak: LKKJ

Leave a Reply