Dr. Sasa biachim cu ngaihchia taktak a si, NLD nan vote lomi cu zeihmanh ah kan ruat/rel hna lo

Myanmar News

Chin ramkulh Sipin Vuanci U Soe Htet telh in kan pale tampi October 16 zaan ah tonbiaruahnak an ngei hna. Cu ah cun, Dr.Sasa nih Chin mipi dihlak sinah NLD Vote dih ding sawmnak a tuah hna hnu ah, Chin Party le Zomi Party hna cu NLD i funh dingin a sawm chih hna. Cun, NLD vote a pee lo tu hna cu zeihmanh ah rel hna lo nak bia a chim chih.

Dr.Sasa Nih Mipi Lau Lengmang In A Tuah Hna A Mak Ngaingai – Chin World News Evening

Dr.Sasa nih cun,“Thimnak cu rampi caah abiapi taktakmi a si i Cozah ṭha ngeih lo ahcun, rampi a ṭhangcho kho lo. Zeitluk hmanh in Chinram caah saduhthah le thil ṭha tuah tim hmanh law, Cozah he rianṭuan ti lo ahcun a ngah a si kho lomi pakpalawng a si.
Image may contain: 1 person, smiling, standing

“Myanmar rampi thimnak ah teinak a cotu Party nih rampi President a thim lai i, President nih ramkulh le ramṭhen caah hruaitu a thim hna lai. Atu lio ramkhel dirhmun kan zoh a si ahcun, President a thim khotu ding Party le rampi caah a ṭha bikmi Party cu NLD hi a si,” tiah a chim.
Image may contain: 1 person, standing and indoor

“Zeiruangah dah NLD party thengtheng kan vote a herh kan ti a si ahcun, Federal Democracy caah a hodah kum 30 renglo NLD party bantukin a zuammi an um? NLD party tel loin zei bantuk Party nih dah Democracy kong lai a rel bal? Cucu NLD lawnglawng a si i, NLD ahcun Myanmar ramchung miphun kip kan tling dih.

“Tlangcungmi Party cu anmah miphun ca cio ah si i rampi huap Party miphun kip an tlinnak cu NLD party hi a si. Chin mipi kan dihlak nih Federal kan duh i Democracy zong kan duh dih cio. Kan duhmi aikhat bantukink an iruahchanmi zong aikhat dih. Cu lioah, Daw Aung San Suu Kyi dirpi loin a dangdang in kan duh lengmang a si ahcun, kan tumram kan phan kho lai lo.

“President a ṭuan kho ding mi Party cu von thim hna uh. Hluttaw ah ralkap 116 an um i ralkap an um chung cu Miphun party nih santlaihnak a ngei lo. Cucaah, Chinram ṭhancho na duh ahcun, NLD pe uh. NLD vote nan pek lo ahcun, nan sinah ka ra lai lo. Rampi phaisa a si lo. Chinram ṭhanchonak ding caah tangka chawva tampi kan herh. Rampi cozah kal ṭiin World Bank ah kan lak khawh lai. Cucaah, Hluttaw ah dirpitu ding MP kan herh.

“Hluttaw ahcun NLD MP an tam bik. NLD cu vawleipi huap in hawikom rianṭuanpi a ngeimi a si i tlangcung Party pawl cu hawikom rianṭuanṭi hawi zong an ngei lo. NLD nih teinak a hmuh a si ahcun, kum 5 chung rak zoh ko uh. Asinain, NLD vote loin nan zam tak a si ahcun, ka au hlah uh. Ka rak ra hlei lai lo.

“Hi tlukin miphun le ram caah rian kan ṭuannak le kan cawlcanghnak ngai duh loin, khua le miphun hmangin cawlcanghnak nan duh deuh a si ahcun, nan duhmi cu tuah ko uh. Kei cu ka ra kho lai lo. Cucaah, CNLD, ZCD siseh tlangcungmi Party zong NLD ah i fonhtonh uh. NLD ṭuanpi dingin aupi uh, cucu Myanmar le Chinram caah thil ṭha a si,” tiah Dr. Sasa nih cun a chim chap.

Leave a Reply