Atulio zawtnak kong he pehtlai in India nih ahmaanmi sii kongah Dr. Pari nih mipi sinah fiang tein a rak chim cang. Zeitindah a rianttuanning a si i kan ei awk asi maw i lo tibantuk hna a phuphun a rak chimmi rak ngai ve hrimhrim. Theih a herh taktakmi thil a si. A tial in tial cu a tlamtling lo deuh sual lai video kan chiah chih i Video tu ah tling tein rak ngai hrimhrim.Video timi rak hmeh law a video a um lai.

Dr. Pari nih a dang a tialmi rak rel chih: Nurse Le Doctor Hna Caah Zumtu Thlacam Piak Kan Herh. Tulio kan tonmi pulrai zawtnak cu pandemic ti a si. Vawlei pumpi sin i a tlungmi pulrai zawtnak a si caah tih a nung khun. Endemic cu ram pakhat i miphun phun khat cungah a pikpak deuh in a tlung mi pulrai zawtnak kha a chim duh mi a si i epidemic cu ram pakhat chung hmunkip ah a tlung mi pulrai zawtnak kha an si caah tih an nung deuh lo.

Tih nun cio cio ah nurse te le doctor hna caah tih a nung khun rih hoi. Raldohnak i hmaisuang kal mi ralkap commando bantuk kan si caah zumtu vialte thlacam piak kan herh. Vaccine zong a um rih lo caah i khamhnak kan ngei ve lo. Zumtu thlacamnak hi kan hriamnam tha bik cu a si. Pehzulh in Thla a kan cam piaktu nan dihlak cungah kan i lawm. Source: Dr. Pari